Young actor binantaang napilitang makipagkalas sa sexy actress nang bantaan ng mga magulang!

Totoo naman palang nagkaroon ng relasyon ang isang young actor (YA) at sexy actress na pareho nilang itinanggi. Nakumpirma ang tungkol dito nang mag-break na ang dalawa dahil inamin ni YA sa kanyang mga magulang. ‘Yung hindi inamin ni YA sa makukulit na reporters, inamin niya sa mga magulang.

Napilitan na ring makipag-break ni YA sa sexy actress dahil nagalit na ang mga magulang nito at pinagbantaan siya na kundi pa hihiwalayan ang sexy actress, iiwan nila si YA. Malaking iskandalo nga naman ‘pag lumabas sa media na iniwan siya ng kanyang pamilya dahil sa sexy actress.

Isang magandang aktres ang sinasabing girlfriend ni YA ngayon, ang nakakatuwa nito, magkaibigan sina sexy actress at ang bagong GF ni YA at magkasama pa sa show. Kaya ang tanong ng mga reporter, hindi ba nagkakailangan ang magandang aktres at ang sexy actress considering na minahal nila ang iisang lalake?

Loyalists ni Catriona nagseselos sa mga kasama ni Clint

Break na sina 2018 Miss Universe Catriona Gray at Clint Bondad, pero nagseselos pa rin ang fans ‘pag nakikita si Clint na may kasamang ibang babae. Sila ang nagseselos para kay Catriona na walang rason dahil break na ang dalawa.

Pati ang mga nakakasamang Kapuso aktres ni Clint sa guesting niya sa shows ng GMA-7, pinagseselosan at naba-bash ng shippers nila ni Catriona. Tinawag na “malalandi” ang mga aktres na nakasama ni Clint sa litrato, gayung nag-wacky pose lang naman sila.

Paano na ‘pag nagsimula ang promo at ‘pag umere na ang rom-com series na Love You Two na parang sa takbo ng story, sina Clint at Jennylyn Mercado ang mauunang may relasyon at parang ikakasal pa silang dalawa.