Maine Mendoza magpapaka-singer na!

Tuluyan nang haharapin ni Pheno­menal Star Maine Mendoza ang recording ngayong tapos na niya ang work niya sa la­test endorsements. 

Kailangan na niyang mag-record ng ilang single na bubuo sa kanyang self-titled album sa Universal Records. 

May mga lumabas na ka­sing balita na malapit nang lumabas ang first album ni Maine, kahit wala pa namang official na balita mula sa kanyang recording company. 

Kaya nilinaw ito ni Maine sa isang event na dinaluhan niya noong isang araw.“I’m working na po on my album. Wow, di ba? Abangan nyo na lang yan.”

“Actually, long overdue na yan eh, kasi matagal ko nang sinasabi sa kanila na magri-record na ako, pero naging busy ako last year kaya hindi ko ito nagawa.

“Pero ngayon, I’m focusing on my album and sana po matanggap ng mga tao ang aking susunod na io-offer sa kanila,” sabi pa ni Maine.

May dalawang songs nai-record si Maine, ayon sa manager niyang si Rams David, at magri-record pa siya ng four songs. 

Tomorrow, March 2 (March 3 ang real birthday niya) ay 24th birthday ni Maine at tiyak na may mga sorpresa sa kanya ang Dabarkads sa Eat Bulaga. At kinagabihan, sa Daddy’s Gurl, may special birthday episode sila ng sitcom. Kahapon, February 28, nag-taping na sina Maine ng special episode ng Daddy’s Gurl, na special guest nila si Alden Richards, sagot sa matagal nang request ng AlDub fans na i-guest si Pambansang Bae sa sitcom nina Bossing Vic Sotto. 

Wala pa lamang date of airing ng said episode na napapanood every Sa­turday, after Pepito Manaloto, sa GMA 7.

Barbie binubuhat si Mika

Napaaga ang muling paglabas nina Barbie Forteza as Kara at Mika dela Cruz as Mia, sa teleserye nilang Kara Mia, upon the numerous requests ng fans nila. 

Bitin daw kasi iyong patikim noong pilot episode na nakita na sila, pero ibinalik ang story kung bakit naging ganoon sila, iisa ang katawan pero da­lawa ang mukha.

Sa dalawa kitang mas hirap si Barbie dahil siya ang may katawan at si Mika ay mukha lamang ang nakikita. May times na kailangang pasanin ni Barbie si Mika para magmukhang nasa likod niya talaga ito. 

Ang Kara Mia ay pwedeng mapanood sa interactive virtual set tour sa social media at website ng GMA. Ngayong Friday, may ArtisTambayan  na mapapanood sa Facebook nila mula sa taping ng Kara Mia.