Noong una ay napabalitang magsisimula na uli ang shooting ng Darna na pagbibidahan ni Liza Soberano with the new production staff and director na si Jerrold Tarog.
Pero parang hindi pa rin naman nagsisimula uli ang shooting nila.
Sabi sa akin ng isang kasama sa production, marami pa rin daw kasi silang kailangang ayusin bago simulan uli.
Baka sa March na raw uli sila mag-umpisa pero sabi naman ng isa pang nakausap ko, baka by April pa raw.
Ang nabibinbin bang shooting ng Darna ang dahilan kung bakit wala pang official statement ang Star Cinema na si Miss Universe 2015 Pia Wurtzbach ang gaganap na Valentina sa pelikulang ‘yon?
Papalit sa Cain at abel kasado na
Todo na ang promotions ng Kara Mia, ang bagong primetime series ng GMA 7 na balitang magpa-pilot na sa February 18.
Ang tsika nga, hanggang February 15 na lang ang Cain at Abel, pero ayaw pang i-announce ‘yon ng mga taga-Kapuso network.
In fairness, marami na ang excited sa Kara Mia na pinagbibidahan nina Barbie Forteza at Mika dela Cruz.
Kung ang Cain at Abel nga pala ang papalitan ng Kara Mia, so ito na ang bagong makakatapat ng FPJ’s Ang Probinsyano?
Wala kayang balak ang Siyete na agahan ang timeslot ng Onanay na matindi pa rin ang dating sa viewers?
Well...
Pops may story behind sa pagkakasali sa world’s best
Isa sa 50 Wall of the World judges ng The World’s Best ng CBS ang original Concert Queen na si Pops Fernandez.
Sa February 3 ang pilot telecast ng US show na ‘yon.
Noong una, plano ni Pops na pumunta ng Los Angeles, California para sa pagsisimula ng nasabing show, pero nagbago na ang plano niya.
Nang makausap ko kahapon si Pops, sinabi niyang marami pa siyang mga bagay na inaayos, kaya by March pa raw siya makakapunta ng L.A.
Masaya nga pala si Pops na marami rin ang happy para sa pagkakasali niya sa nasabing US show.
Last year ko pa alam ang tungkol sa show na ‘yon at nang sabihin ko ‘yon sa kanya ay sinabihan niya ako na quiet lang dahil that time ay bawal pang sabihin ang tungkol doon.
Nagulat din si Pops nang ikuwento ko sa kanya na alam ko ang “story behind” sa pagkakakuha sa kanya sa US show na ‘yon!
Born… nadadala sa word of mouth
Kahapon ay kinumusta ko kay Direk Perci Intalan ang pelikulang Born Beautiful na pinagbibidahan ni Martin del Rosario.
Sabi ni Direk Perci, so far, so good daw.
Nadadala raw ng word of mouth.
“Ok naman, nadadala ng word of mouth kahit na alanganing playdate kasi di pa sweldo weekend. Patulong pa rin sa pag-push ng Born Beautiful,” sey ni Direk Perci.
Sana nga ay lumakas pa ang Born Beautiful.