Iza proud na ipinakita ang stretch marks sa braso at leeg

Pinuri si Iza Calzado nang i-post ang photo niya sa Instagram without filters at kitang-kita ang stretch marks pati sa kanyang braso at leeg. Kung may make-up man ang bahaging ‘yun ng katawan ni Iza, minimal lang at kita pa rin ang stretch marks niya.

“Showing my stripes and loving them hard,” ang caption ni Iza sa picture. Sa nagtanong kung may stretch marks din siya sa legs? Ang sagot ni Iza, “thighs, of course but not as much on the legs or maybe I haven’t noticed lang. Hehe.”

Dati kasing mataba si Iza, kaya nang pumayat, may stretch marks siya all over her body at hindi niya ito itinatago. Keri ring mag-swimsuit ni Iza at may mga bashers lang na hindi maiwasang hindi mag-comment, pero binablangko sila ni Iza.

Samantala, sa December na ang kasal nina Iza at fiance niyang si Ben Wintle, pero hindi pa rin alam ang petsa.

Saka, kahit ikakasal, busy pa rin sa trabaho si Iza, nagti-taping at nagsu-shooting ng pelikula nila nina Sunshine Dizon, Karylle at Diana Zubiri. Under their own Sanggre Productions ang pelikula sa direction ni Mark Reyes na nagsabing, “our reunion project on @iflix.ph.”

Sunshine mami-miss ang mga kasamahan sa K...

Nag-last taping day na ang morning series na Kapag Nahati ang Puso last Friday at sabi ni Sunshine, mami-miss niya ang kanyang Kapag Nahati… family niya na 16 weeks din niyang nakasama. Bukas, Lunes, ang last week ng morning series na sinubaybayan ng Kapuso viewers.

Ginawa ni Sunshine ang Kapag Nahati ang Puso na nakasagutan niya online ang sister ng ex-husband niyang si Cesar Montano dahil sa suporta ng aktor sa kanilang tatlong anak. Airing din ang nasabing morning show nang bumaba ang desisyon ng Korte na annulled na ang kasal nila ni Cesar. Pero hindi nagpataranta si Sunshine at tinapos ang series na walang problema sa kanya ang GMA-7.

Anyway, wala pang balita sa next TV show ni Sunshine, kung sa GMA-7 uli o kung babalik siya sa ABS-CBN. Ang malinaw na next project niya ay ang movie nila nina Kiko Estrada at Martin del Rosario sa ALV Productions titled My Stepmother’s Lover. Nagpahayag ng tuwa sina Martin at Kiko na makasama si Sunshine sa pelikula.

Bianca at Ruru nagpa-tattoo sa Japan!

Nagpa-tattoo pala sina Ruru Madrid at Bianca Umali habang nasa Japan sila at parehong rose ang ipina-tattoo nila. Kay Ruru, sa tagiliran niya at kay Bianca sa wrist ng left arm niya.

May photos ng dalawa na lumabas habang nagpapa-tattoo at may picture pa si Bianca na nakataas ang left arm at kita ang tattoo.

Tanong tuloy ng mga nakabasa, tatakpan ba ni Bianca ang kanyang tattoo tuwing lalabas siya sa TV o sa publiko?

Live mamaya ang Sunday PinaSaya, hintayin natin kung ipapakita niya ang kanyang tattoo o paano niya ito itatago?

Galing naman sa Vietnam si Miguel Tanfelix, pero hindi pala siya nag-iisa nang pumunta sa Vietnam dahil kasama nito ang handler niya.

Teka lang, paano kaya ang gagawing promo ng APT Entertainment sa movie nina Miguel at Bianca na showing sa November ngayong tila open na sina Bianca at Ruru?