Kim hindi pa rin makapaniwala na magkaka-award sa pagiging singer

Hanggang ngayon ay hindi pa rin makapaniwala si Kim Chiu sa napanalunang award mula sa PMPC Star Awards for Music para sa kanyang third album.

Aminado si Kim na never niyang naisip na magkakaroon siya ng album na bonus pa ang makatanggap siya ng awards.

Mabuti na lang daw ay nakinig siya sa kanyang Star Music family gaya nina Ms. Malou Santos, Roxy Liquigan, at Jonathan Manalo.

Basta ini-enjoy lamang niya ang pagkanta na aminado siyang puro kalokohan hanggang sa makalikha siya ng magagandang song na hindi inakala ng Chinita Princess na magki-click sa fans niya.

Nagsisilbing inspirasyon kay Kim ang mga award na natatanggap niya. Katunayan, iniingatan niya sa kanyang bahay ang mga trophy na nagpapaalala na mayroon siyang “k” sa pagkanta.