Carlo, kapiling si Angelica nang mag-birthday

Good friend talaga nina Christopher Roxas at Gladys Reyes si Carlo Aquino dahil pinili nito na i-celebrate ang 33rd birthday sa Estela, ang restaurant sa Cainta na pag-aari ng mag-asawa.

Kahapon ang actual birthday ni Carlo pero gina­nap ang party niya sa Estela noong Sunday night habang bumubuhos ang malakas na ulan.

Ang ex-girlfriend na si Angelica Panganiban ang isa sa mga special guest ni Carlo sa birthday par­ty nito. Nabuhayan ng hope ang fans nina Carlo at Angelica na magkaroon ng Part 2 ang love affair nila dahil single na ang aktres na hindi pa nagkakaroon ng dyowa mula nang maghiwalay sila ni John Lloyd Cruz na pinili si Ellen Adarna.

Secretive si Carlo sa personal life nito kaya clueless ang fans kung may girlfriend siya na walang koneksyon sa showbiz pero type talaga nila na ma­kipag-reconcile kay Angelica ang aktor.

Vice kinaiinggitan sa bracelet na bigay ni Sharon!

Can afford naman talaga si Sharon Cuneta na magregalo ng alahas na mamahalin dahil richie-rich siya.

Kinaiinggitan si Vice Ganda dahil sa sosyal at very expensive bracelet na ibinigay sa kanya ni Sharon nang umapir ito sa Gandang Gabi Vice noong Linggo.

Sa true lang, generous naman talaga si Sharon sa mga kasamahan niya sa trabaho, lalo na kung love niya.

Masuwerte si Vice dahil favorite siya ni Sharon at tawang-tawa ito sa kanya. Hindi na kailangan ni Vice na harbatan si Sharon dahil ito ang kusang nagbigay sa kanya ng sosyal na bracelet na literal na kumikislap.

Willie parang architect at designer sa past life

Waiting pa rin ako sa invite ni Willie Revillame na bibigyan niya kami ng birthday party ni Papa Ricky Lo, kahit September na.

April 21 ang birthday ni Papa Ricky at tuwing May 10 ang kaarawan ko kaya mas madalas na pinag-iisa at pinagsasabay ang mga birthday treat sa amin.

Sinabi ni Willie na hinihintay lang niya na matapos ang construction ng penthouse ng Wil Tower Mall dahil ito ang perfect venue para sa kanyang birthday treat sa amin ni Papa Ricky.

Sure ako na tapos na ang construction ng penthouse ng Wil Tower Mall dahil dito ginanap ang sosyal na birthday party ni Edgar Mortiz, courtesy of him.

Invited sa birthday party si Allan Diones at ito ang nagkuwento sa akin na napakaganda ng penthouse ni Willie na overlooking sa buong Metro Manila.

Hindi nakapagtataka na bonggang-bongga ang penthouse unit ni Willie dahil may taste ito sa pagpili ng mga kagamitan sa bahay. Ang feeling ko nga, magaling na architect at interior designer si Willie noong past life niya dahil very classy ang mga furniture niya.