Miguel kasama si Bianca sa travel goals

MANILA, Philippines — Sa lalim at tagal ng pinagsamahan nina Bianca Umali at Miguel Tanfelix, kabisado na nila ang bawat hininga ng bawat isa. Sa isang Kapuso Web Specials video, napaka-intimate ng mga sagot nila sa mga nakahandang tanong para sa kanila. Nang tanungin si Miguel kung saan niya nakikita ang sarili 5 taon mula ngayon, kasama sa nabanggit niya si Bianca. Sinabi nitong in five years, nakapag-travel na siya sa maraming lugar kasama si Bianca, iba’t ibang role na ang nagampanan niya, at napasaya na rin niya ang kanyang pamilya. Nakadagdag sa kilig ang hindi mapagbitaw nilang kamay na sa buong video ay kitang-kita na magka-intertwine.

Pelikula ni Gabby, suportado ng Contessa

Suportado ng Contessa cast ang pelikulang kinabibilangan ni Gabby Eigenmann na Citizen Jake at sama-sama silang nanood nito. Sa post ni Jak Roberto sa kanyang Instagram account, kasama niya sina Lauren Young, Phytos Ramirez at Chanda Romero sa panonood, patunay na isang pamilya na ang nabuo nila sa set. Magkakaaway man sa TV, solid naman ang friendship off-cam!