Premyo sa pagpupuyat Yassi nangongolekta ng magagarang sasakyan

MANILA, Philippines — Maraming celebrities ang mahilig mangolekta ng mga expensive cars at ito’y parang regalo na nila sa kanilang sarili mula sa kanilang pagpupuyat sa kanilang mga trabaho.

Kamakailan lamang ay niregaluhan ng Viva Artists Agency and Kapamilya star na si Yassi Pressman ang kanyang sarili sa kanyang ika-23rd birthday ng isang brand new Hyudai van na P3 million daw ang halaga at kanyang ipina-customized dahil ito ang kailangan niya sa kanyang trabaho laluna kapag may taping o shooting siya.

Bukod sa kanyang brand-new customized van, Yassi is also driving an expensive Ford Mustang.

Kabi-birthday lang niya last May 11 at ka-birthday niya ang misis ni Ryan Agoncillo na si Judy Ann Santos-Agoncillo.

For seven years now ay gumagawa ng outreach program si Yassi tuwing dumara­ting ang kanyang kaarawan and this time ay ginawa niya ito sa Camarines Sur.

Si Yassi ay isa ngayon sa mga prized talent ng Viva Artists Agency (VAA). Magmula nang siya’y mapasama sa cast ng FPJ’s Ang Probinsyano bilang love interest ng lead actor na si Coco Martin ay naging in-demand na siya  bilang celebrity endorser with over 20 product endorsements to her credit.

Krista Miller nakalabas na ng kulungan

Nakalabas na ng kulungan ang starlet na si Krista Miller na mahigit dalawang taon ding nakulong sa Valenzuela City Jail matapos siyang mahuli sa isang buy-bust operation na may kinalaman sa ipinagbabawal na droga nung Septembr 20, 2016.

Si Krista ay almost five months pregnant sa kanyang pangalawang anak nang siya’y makulong.

Bago siya makulong ay naging controversial si Krista dahil sa kanyang pagkaka-link sa actor na si Cesar Montano na na­ging sanhi raw ng paghihiwalay nila ng kanyang misis na si Sunshine Cruz in 2013.

Kung nakalaya na sina Mark Anthony Fernandez at Krista Miller, nasa loob pa rin ng kulungan sina Sabrina M. at ang veteran actor na si Julio Diaz na droga rin ang dahilan.

Bianca buntis na uli

Ka-birthday ng Divine Diva na si Zsa Zsa Padilla ang first baby ng mag-asawang Cristalle Belo Henares-Pitt at Justin Pitt na si Hunter James na isinilang ni Cristalle last Monday, May 28 via Caesarian section sa Makati Medical Center.

Si Baby Hunter ay unang apo ng estranged parents ni Cristalle na sina Dra. Vicki Belo-Kho at Atom Henares at unang pamangkin ng mga kapatid ni Cristalle, na sina Quark Henares at Scarlet Belo.

Sina Cristalle at ang Australian hotelier na si Justin ay ikinasal nung September 15, 2016 sa Lake Como, Italy.

Ngayong may baby na sina Cristalle at Justin, may magiging playmate na si Scarlet Snow.

Samantala, bukod kay Zsa Zsa Padilla ay ka-birthday rin ni Baby Hunter ang second baby ng mag-asawang Jolina Magdangal at Mark Escueta na si Baby Vika Anya na isinilang ni Jolina last Monday via Caesarian section sa Asian Hospital and Medical Center in Muntinlupa.

Si Baby Vika ay second child na bale ng mag-asawang Jolina at Mark. Ang kanilang panganay na si Pele ay four years old na.

Samantala, kahapon ay inanunsyo ni Bianca Gonzales-Intal sa kanyang Instagram account na siya ay nagdadalang-taong muli.