Barbie Forteza, parang madadaig ni Barbie Imperial!

MANILA, Philippines — Marami ang nagtataka sa pelikula nina Barbie Forteza at Derrick Monasterio na sa Italy na nga raw kinunan, pero bakit parang wala pa ring nangyari, wala man lang kaingay-ingay. Ni hindi namin narinig kung naipalabas na ba.

Mabuti pa nga raw kung sa Pilipinas na lang kinunan, baka kumita pa ito.

Parang nakaka-worry tuloy, baka masapawan pa siya ng isa pang Barbie na gumagawa rin ng sariling ingay ngayon, si Barbie Imperial.

Empoy nagbabayad ng utang kay Dennis

Magpi-fiesta na naman sa bayan ng Baliuag, ang bayan ni Empoy Marquez sa May 14. Tiyak masaya ang magiging celebration ng komedyanteng actor dahil kakaibang level na siya ngayon.

Noon palang araw, hindi pa sikat si Empoy, nag-imbita siya sa mga kapwa niya artista na pumunta at makipista sa kanila, imagine wala raw dumating kundi si Dennis Padilla, kung kaya’t nung kunin siyang magbida sa unang directorial job ni Dennis ay agad pumayag si Empoy sa The Barker.

Coco may kailangang patunayan kina Edu, Dawn, Alice at Rowell!

Umaatikabong bakbakan na ang nagaganap sa seryeng FPJ’s Ang Probinsyano, kung kaya’t sunud-sunod na rin ang mga pagsubok na haharapin ni Coco Martin.

May mga tanong na paano raw haharapin ni Coco ang mga makakatrabaho niyang malalaking artista na sina Edu Manzano, Dawn Zulueta, ageless beauty Alice Dixson at direk Rowell Santiago.

Totoong namamayagpag ngayon si Coco, pero ibang klase ang pag-arte ng mga makakaharap niyang artista, kailangan lumutang pa rin siya sa mga ito bilang si Cardo Dalisay na pinaghahanap ng batas.

Matinik si Coco, walang nakakakilala sa kanya sa kabila ng mala-iskwaters areang pinagtataguan nila ng grupo niya kasama si Lito Lapid. Well, ngayon masusubukan kung hanggang saan ang maipapakitang pagganap sa piling ng mga de kalibreng bituin ng showbiz.

Carmi nakikita ang sarili kay Arci

Naaaliw si Carmi Martin kay Arci Muñoz dahil naaalala niya ang kaseksihan niya noong araw na kung sabagay seksi pa rin naman siya hanggang ngayon.

Magkasama ang dalawa sa Since I Found You with Piolo Pascual and JC De Vera.

Noong araw, isa si Carmi sa pambato ng Viva Films. Isang siyang magaling na aktres, tapos siya ng Fine Arts at may magandang trabaho.