MANILA, Philippines — Patok sa lahat ng leading radio stations sa buong Pilipinas ang kanta ni Julie Anne San Jose na Nothing Left at sobrang saya ng Asia’s Pop Sweetheart sa achievement na ito. Hanggang ngayon ay iba pa rin daw ang pakiramdam na marinig ang kanta niya sa radyo, kaya tuwing nate-tyempuhan niya ito ay kinikilig pa rin siya. “Ang sarap pa rin sa pakiramdam na bigla mong maririnig sa radyo yung kanta mo, it’s so fulfilling and I’m very happy,” kwento ng Kapuso star.
Halata sa aura ni Julie Anne na nae-enjoy niya ang bagong tunog ng kanyang musika, kaya ganoon din ang ganda ng balik sa kanya. Most-requested ang Nothing Left at talagang patuloy na pinapanood ang music video nito mapa-TV man o online.
Sa ngayon ay ginagawa na niya ang music video para sa kanyang third single under Universal Records, kaya abangan ang release nito.
Atom pasok na sa bagong billboard ng I-Witness
Agaw-pansin ang bagong billboard ng award-winning documentary show ng Kapuso Network na I-Witness dahil bukod sa bagong miyembro nitong si Atom Araullo, very sophisticated ang itsura ng bawat host!