MANILA, Philippines — Dahil sa haba ng seryeng Ika-6 Na Utos, nabuhay ang mga fans ni Marco Alcaraz na sumubaybay din sa programa. Wish nila na magkaroon muli ng bagong show si Marco at this time naman daw ay malaki-laki at markado na ang role niya.
Ano nga ba ang kulang at tila lulubog-lilitaw si Marco? May pumipigil ba sa kanya na maging full time actor? “Naku, wala, wala ...ako nga mismo naghihintay pa rin ng magandang role o challenging role na hindi ko pa nagagawa. ‘Yun nga, sana mapansin ulit nila ako at mabigyan ulit ng bagong poject,” sey ni Marco.
Wala naman daw siyang limitasyon kung anong role ang ibigay sa kanya, ke kontrabida pa o anupaman.
Walang arte sa katawan ang 6-footer na dating basketball player. “Yes, gaya rin ng iba, wish ko rin na makagawa ng bago namang role for me. I think kung mabibigyan naman ako ng mga kakaiba o kahit mabigat, eh kakayanin ko naman. Just like any actors, dream ko rin na makapag-portray ng out of the box roles. Basta tingin ko, kaya ko naman yun,” sey pa rin ni Marco.