Alden nakalamang kay Maine sa Twitter

Nagpasalamat si Pambansang Bae Alden Richards dahil umabot na sa 5 million ang followers niya sa Twitter.

“Woke up to 5M...literally #blessed maraming salamat,” tweet ni Alden noong nakaraang March 5.

For the record, may 5,002,107 ang total followers ni Alden sa Twitter.

Mas marami pa siyang followers ngayon kesa kay Maine Mendoza na may 4,692,355 followers sa Twitter.

Aicelle last year nalaman ang pagiging Gigi

Sa third week of March na ang lipad ng Kapuso singer-actress na si Aicelle Santos papuntang United Kingdom para sa rehearsals niya musical na Miss Saigon.

Si Aicelle ang gaganap bilang Gigi sa UK tour ng Miss Saigon sa taong ito.

Noong December 2017 pa lang daw ay nakarating na kay Aicelle ang magandang balitang ito, pero hinintay niya na maging official ito at manggaling ang announcement mula sa grupo nila Cameron Mackintosh.

Nag-audition pala ulit si Aicelle para sa role na Gigi noong sabihin sa kanya ng kanyang manager na si Carlo Orosa na naghahanap ng bagong Gigi ang Miss Saigon.

“Pumunta naman ako without any expectations. Kung mayroong audition na tingin mo puwede ka, then go for it,” diin ni Aicelle.

Matatapos na rin si Aicelle sa kanyang pagganap bilang Elsa sa Himala: Isang Musikal kaya makakapaghanda na siya sa role na Gigi.

Makakasama nga ni Aicelle sa Miss Saigon UK tour ay ang mga kapwa Pinoy niyang sina Gerald Santos na gaganap na Thuy at Red Concepcion na gaganap bilang The Engineer.

Pagkakapanalo ni Kobe Bryant sa Oscars sinusuka!

Marami ang hindi natuwa sa pagkapanalo ni Kobe Bryant ng Oscar award para sa pagiging producer niya ng nanalong animated short film na Dear Basketball.

May ilang nagsasabi na bakit kailangan parangalan si Kobe ng naturang award since naakusahan ito ng sexual harassment noon 2003. Hindi raw siya dapat nasa Oscars dahil sa tema ng event na ito na anti-harassment.

Fifteen years ago, sinampahan ng kasong sexual assault si Kobe sa Colorado ng isang 19-year woman. Ayon kay Kobe, consensual daw ang naganap na sex sa kanila ng naturang babae.

Hindi na tumawid sa trial ang kaso na ito ni Kobe dahil balitang inurong na ang kaso, pero malakas ang bulung-bulungan na binayaran na lang ng kampo ni Kobe ang babae ng malaking halaga para hindi na matuloy ang kaso.

Maraming netizens ang disappointed sa Oscars dahil pinabayaan nila na isang sex predator ang manalo.