Yassi may kanta para sa mga sawi

Grabe, marami ang nagtataka kung saan ba hinuhugot ni Yassi Pressman ang kanyang emosyon sa kantang Migraine para sa movie nila ni Sam Milby na Pambansang Third Wheel na release ng Viva Records.

Matagal nang napapakinggan ang kantang Migraine mula sa banda ng Moonstar 88 at binigyan ito ng kakaibang hagod ni Yassi na mas tagos sa puso. Ramdam na ramdam ang lyrics na nakakaiyak sa nakaka-LSS na Migraine kaya naka-relate ang  marami sa lyrics ng kanta na, “oo nga pala.. hindi nga pala tayo…”

Para sa mga nakapanood ng music video ng version ni Yassi na Migraine, sobrang sakit ng pinagdaraanan nito at bagay sa mga taong may pinagdaraanan sa lovelife.

Proud at masaya ang fans ni Yassi sa husay nito dahil hindi na niya kailangang bumirit, para maramdaman ang mensahe ng kanta. Hindi tuloy maiwasan na mangulit ang fans kung mayroong pinaghuhugutan o pinagdaraanan si Yassi dahil damang-dama nito ang kanta. Kung dahil ba ito sa pag-aaway nila ni Cardo (Coco Martin) sa Ang Probinsyano na wish na magkabati na ang dalawa sa kanilang serye. Inaabangan din ang nakakakilig na tambalan nila ni Sam na trailer pa lang ay kinikilig na ang kanyang fans sa movie.