Barbie nakita kay Jak ang kanyang daddy!

No problem kay Jak Roberto kung matatagalan ang taping ng girlfriend na si Barbie Forteza ng romantic-comedy series na Inday Will Always Love You ng GMA Public Affairs sa Cebu City, dahil sure na sure siya sa relasyon nila ng tinaguriang Drama Princess ng GMA. Friends naman daw sila ni Derrick Monasterio na siyang leading man ngayon ni Barbie. Unang nagtambal sina Barbie at Derrick sa Almost A Love Story na kinunan pa sa Italy.

At ang maganda kina Barbie at Jak, hindi naman nila itinago ang kanilang relasyon, dahil tinupad ni Jak ang tamang proseso ng panliligaw kay Barbie. At ang lagi ngang biro ni Barbie kay Jak, “ang masugid na manliligaw ng mga magulang ko.” Una nga raw niligawan ni Jak ang parents niya na hindi nila nakita sa ibang nanligaw sa kanilang anak.

“As a boyfriend, he reminds me so much of my dad, parang ganun. ‘Yung effortless na pag-aalaga, nakita ko yun kay daddy, ang ginagawa niya kay mama. Okey po ang relasyon namin ni Jak at wish ko po na tumagal ang aming relasyon. Lagi kaming masaya, nagkakaintindihan sa mga trabaho namin kaya wala po kaming problema.”

Ang Inday Will Always Love You ang magpapabalik kay Barbie sa primetime ng GMA 7 after ng Meant To Be.

Robi hindi makapalag sa ligawan nina Gretchen at Atom

Ayaw pumayag ng fans nina Gretchen Ho at Robi Domingo sa balitang mukhang may nabubuong something sa pagitan nina Gretchen ng Umagang Kay Ganda ng ABS-CBN at Atom Araullo ng GMA News & Public Affairs, nang magpalitan sila ng message noong Valentine’s Day.

Kung natutuwa ang fans nina Gret­chen at Atom, hindi naman ang fans nina Gretchen at Robi dahil gusto nilang maging lifetime Valentine daw ni Gretchen ay si Robi.  Pero almost a year nang hiwalay sina Gretchen at Robi, at wala raw namang ginagawang move ang huli para balikan niya si Gretchen.

Bianca pinag-ipunan at pinaghahandaan ang debut

Excited na si Bianca Umali sa nalalapit niyang debut sa March 2 na pinag-ipunan at pinaghahandaan talaga ng bida ng Kambal Karibal. May gagawin siya sa gabing iyon na dedicated niya sa kanyang parents. Maagang naulila si Bianca noong bata pa siya at ang lola niya ang nagpalaki na sa kanya.

And of course, may special participation din si Miguel Tanfelix sa natatanging gabing iyon. Ce­lebration din daw nila iyon ng mga kasama niya sa Kambal Karibal na thankful sila dahil extended pa sila ng ilang linggo dahil sa mataas na rating na nakukuha nila gabi-gabi, pagkatapos ng Sherlock Jr.