MANILA, Philippines — Isa sa mga nakakatuwang nakita namin kamakailan sa Instagram ay ang lambingan ng mag-asawang Rochelle Pangilinan at Arthur Solinap kung saan nilalagyan ng aktres ng honey ang mukha ng kanyang asawa. Hindi tipikal ang lambingan nila, huh!
Nakakatuwa dahil tawa nang tawa si Rochelle habang ginagawa niya ito. Ang Pepito Manaloto star naman walang nagawa kundi pagbigyan nalang ang asawa.
Ang lagkit, ‘di ba? Sana ganyan lang maglambingan lahat ng mag-asawa.
Thea may sarili nang tirahan
Sa sobrang dedicated ni Thea Tolentino sa kanyang trabaho, napagdesisyunan na pala ng dalaga na kumuha na lang ng sarili niyang lugar na malapit sa Kapuso Network. Aniya, para raw talaga ito sa comfortability niya tuwing may taping para sa serye nila nina Sanya Lopez, Rocco Nacino at Pancho Magno na Haplos.
Speaking of their Afternoon Prime series, agree si Thea na simula pa lang nang mag-umpisa ang istorya nila ni Lucille at Angela (Sanya) ay talagang salbahe na ito. Kaya naman it’s a must na abangan pa ng loyal Kapuso viewers ang kung anong mangyayari sa Haplos lalo na ngayong inggit na naman ang umiiral sa kanya lalo ngayong nakita niyang unti-unti nang sumasaya uli ang buhay ni Angela.