Kris extra lang daw talaga, bitbit na glam team mas marami kesa mga bida!

True na isang dakilang extra lang daw si Kris Aquino sa Hollywood film na Crazy Rich Asians na pinagbibidahan ng mga sikat na Asian actors Constance Wu, Henry Golding, Michelle Yeoh, Chris Pang at iba pa.

Kuwento ng isang source na saksi sa shooting sa Singapore, wala diumanong dialogue si Kris sa mga eksenang kinunan sa isang simbahan doon kung saan may wedding scene.

Umawra-awra lang daw ito sa eksena suot ang isang bonggang yellow gown na gawa ni Michael Cinco.

Tapos na rin daw ito sa eksena niya kaya malamang ay pabalik na ito ng bansa habang binabasa ninyo ang item na ito.

Dahil nga extra lang, wala rin daw itong sari­ling tent kaya habang nagso-shooting, sa isang restaurant nakabantay ang kanyang glam team. “Or kung binigyan man siguro, baka may ka-share siya,” say ng source.

Sa rami raw kasi ng staff ni Kris na bitbit sa pa­ngu­nguna ng sikat na make up artist na si Juan Sarte, nasa isang lugar ng restaurant na malapit sa church na pinag-shootingan sila nag-stay. Mas marami pa raw talagang kasama si Kris na staff kesa sa mga totoong bida ng nasabing pelikula na base sa librong may kaparehong title.

Alma Moreno

Alma mahina sa math, laging may problema sa pera

Tama pala ang tsismis noon pa na pera na ang weakness ni Alma Moreno.

At ito ang rason kung bakit wala itong nagtagumpay na relasyon. 

Ito ang revelation ni Nay Lolit Solis sa kanyang Instagram (akosilolitsolis) post kahapon gamit ang throwback na picture ni Alma na bakat pa ang nipple.

“Tingnan mo si Alma Moreno nuon tangga queen ang title niya at isa siya sa mga artista na mas maganda pag walang make up, pantay ang kulay niya olive skin at masasabi ko isa sa pinaka-mabait na artista natin. Isa nga na masasabi kong kahinaan niya ang pa­gi­ging too trusting. Mula kay Rudy Fer­nandez, Dolphy at Joey Marquez nakita at naranasan ko ang mga kahinaan ni Alma na paborito ko na tawagin Bangenge. Hindi siya maingat gumasta ng pera kaya lagi dahilan ng away iyon. Said lagi budget nila. Ayaw ko man sabihin, pera lagi dahilan kung bakit nagkakaroon ng away sa mga relasyon ni Alma mula kay Rudy, Dolphy at Joey. Hindi siya marunong sa budget at kung minsan sumasabit siya financially. Kung naging maayos siya sa kinita niya baka isa siya sa pinakamayaman artista natin. Aside from being too trus­ting mahina yata siya sa math kaya hindi puwede maging Secretary of Finance. hah hah kalokah huwag ka tampo Ness joke lang alam mo naman love kita. hah hah. #instatalk #lolitkulit #70naako #throwbackkk,” ang post ng dating Startalk host na ngayon ay nanalasa sa IG sa pama­magitan ng kanyang InstaTalk. ‘Yun na lang daw ang gagawin niyang show.

Sa kasalukuyan ay pa-raket-raket lang si Alma at binibigyan ng mga anak.