Naks, may aabangan na naman kay Maymay Entrata ngayong pumirma na ito sa Star Music. Bukod pa ito sa pagiging endorser ng sikat na fast food chain kasama si Edward Barber.
Siyempre ay tuwang-tuwa ang fans ni Maymay sa rami ng blessing ng kanilang iniidolo.
Request ng followers ni Maymay na ilabas agad ang album ng big winner ng katatapos na Pinoy Big Brother.
Ipinagtanggol din ng fans si Maymay sa bashers nito na kahit anong sabihin nila ay talagang may ipagmamalaking boses ang bagong alaga ng Kapamilya Network na ngiti pa lang ay nakakahawa na.
Wish lang ng fans na manatiling humble at stay strong si Maymay sa pagsisimula ng kanyang career sa showbiz dahil alam nilang hindi madali at maraming hahatak sa kanya pababa.
Humirit din ang kanilang tagahanga ni Edward na sana raw ay gawin nang official ng Kapamilya Network ang MayWard loveteam na good vibes ang laging hatid.