MANILA, Philippines - Teka maraming nakapapansin sa pagbabalik ni Aiko Melendez. At halatang very much inspired siya at parang energetic. Halatang walang kapagod-pagod ang aktres habang nagsu-shooting ng indie movie na New Generation Heroes kung saan kasama niya si Jao Mapa.
Marami naman ang nagsasabing nasasapawan pa niya ang akting ni Maja Salvador sa telesyeng Wildflower. May mga nagsasabing inspired ngayon si Aiko dahil sa lovelife.
Maine natural ang acting, natatalbugan pa si Alden
Halatang ayaw naman patalbog ng teleseryeng Destined To Be Yours na ginastusan talaga ang mga eksena nina Alden Richards at Maine Mendoza. Akalain bang para lang magkakoneksyon sa musika ay ginawa pang guest ang singer na si Marco Sison bilang Mang Henry na paborito ni Maine ang mga kanta.
Nakakahanga rin ang acting ni Maine na very natural. Minsan nga natatalbugan pa niya si Alden.
Richard tumanggi sa MMK
May mga nagtatanong kung totoo raw bang tumanggi si Richard Gutierrez na lumabas sa MMK (Maalaala Mo Kaya)? Bakit naman kaya gayung matagal-tagal din hindi napapanod sa telebisyon ang aktor. Sayang naman, chance na sana ito para makita siyang muli ng fans.
Naku, baka magtampo ang Kapamilya sa pagtanggi ng aktor. Sabi ng ibang nakausap namin, baka raw matulad kay Kris Aquino ang binata.