Ni-launch na ng GMA Network para sa kanilang 66th Anniversary ang six new shows na mapapanood sa GMA 7 simula ngayong June na si Julie Anne San Jose ang kumanta ng theme song.
Nauna nang napanood kagabi ang pilot episode ng sitcom na A1 Ko Sa ‘Yo nina Jaclyn Jose, Solenn Heusaff, Gardo Versoza. Kasama pa rin ang two new sitcoms na Conan, My Beautician, at Hay, Bahay, ang afternoon prime drama series na Sa Piling Ni Nanay at ang pinakaaabangang requel ng Encantadia.
Nag-release na si Direk Mark Reyes sa kanyang Instagram ng picture ng apat na Sang’gre in their new costumes na comment ng fans ay mas maganda raw at mukhang talagang pinaghandaan.
Dingdong igi-guest ni Marian
Nag-guest na sa Yan Ang Morning show ni Marian Rivera ang apat na Sang’gre na sina Glaiza de Castro, Kylie Padilla, Sanya Lopez at Gabbi Garcia at hindi ikinaila ni Kylie sa interview sa kanya ni Marian na kinabahan siya sa mga unang eksena nila sa Encantadia.
Si Marian kasi ang gumaganap na Ynang Reyna at isa sa mga anak niya si Kylie. “Hindi ko naman alam na matinding kaba iyong mangyayari sa akin sa una naming eksena ni Marian. Pumasok na rin kasi iyong respeto ko sa kanya, saka sobrang bait niya at napaka-professional, nakakahiyang magkamali kapag kaeksena mo siya. Pero lalo akong na-inspire para pagbutihin ang pagtatrabaho ko.”
Kasama rin sa Encantadia si Dingdong Dantes bilang si Haring Raquim at siya naman ang special guest ni Marian ngayong umaga sa Yan Ang Morning at 9:30 a.m. sa GMA 7. Special ang episode na ito dahil sa Sunday ay Father’s Day at first time na talagang daddy na si Dingdong dahil mayroon na silang Baby Letizia ni Marian.
Alden at Maine, nagtukaan na raw sa Italy
Ginawang special ang Pinoy Henyo sa Eat Bulaga kahapon nang si Alden Richards ang celebrity partner ng contestants na itinago nila para hindi nila makita kung sino ang partner nila. Hindi naman alam ni Alden na nasa Broadway studio si Maine Mendoza na nagtsi-cheer sa kanya.
Gift ng EB sa AlDub Nation ang pagsi-celebrate doon nina Alden at Maine ng kanilang 46th weeksary kahapon dahil three weeks nilang hindi napanood ang magka-love team na nag-shooting ng kanilang movie sa Italy.
Muling nagpakita ng ilang shots nila sa Italy sina Maine at Alden na hindi nila sinabi kung kasama iyon sa movie dahil hahanapin na naman ng fans kapag ipinalabas na ang pelikula sa July.
Pero may iniwang tanong si Lola Nidora (Wally Bayola) kina Alden at Maine, kung nag-kiss daw ba sila sa Italy, kaso inabutan ng busina.