MANILA, Philippines – Pumirma ng tatlong taong exclusive contract ang Because of You leading man at environmental advocate na si Rafael Rosell nung Friday, November 27.
Present sa nasabing contract signing sina GMA Chairman and CEO Felipe L. Gozon, Senior Vice President for Entertainment TV Lilybeth G. Rasonable, Vice President for Drama Redgie A. Magno, Assistant Vice President for Drama Cheryl Ching - Sy at ang manager ng aktor na si Popoy Caritativo.
Habang idinadaos ang contract signing na ginanap sa 16th floor Boardroom ng GMA Network, sinabi ng chairman at CEO ng Kapuso network na masaya siya dahil patuloy ang pananatili ni Rafael bilang isang Kapuso star. “He’s a welcome addition to our stable of very good artists.” pagbabahagi pa ni Mr. Gozon.
Syempre wala nang mas sasaya pa kay Rafael na feeling honored to renew his ties with the network at looking forward daw siya sa mga projects na ibibigay ng Kapuso sa kanya. “I’m super honored and grateful because they keep trusting me with different projects. Alagang-alaga ako dito and I don’t doubt my future dito sa GMA. Ngayon, I’m excited for the next three years to come,” nakangiting kwento ni Rafael.
Sa ngayon, mapapanood si Rafael sa primetime TV series na Because of You kasama sina Carla Abellana at Gabby Concepcion.