Aktor umamin na! Angelica hindi pa rin matanggal sa isip ni Derek

Naka-move on na nga ba si Derek Ramsay sa mga naging ex-girlfriends niya at naging friends na nga ba sila nga­yon? Dalawa nga sa mga naging ex-girlfriends niya na friends na niya ngayon ay sina Solenn Heussaff at Cristine Re­yes. Pero after the presscon ng Ex With Be­nefits nila ni Coleen Garcia, his come­back movie sa Star Cinema, inamin niyang hanggang sa ngayon ay hindi pa niya nakakausap o nakikita man lamang ang naging girlfriend niya for some years na si Angelica Panganiban. Naikuwento tuloy ni Derek na hindi niya makakalimutan ang ex-girlfriend, dahil ang anak daw ng girlfriend niya ngayong si Joanna Villablanca, ang 8-year-old na si Sophie, ay kamukhang-kamukha ni Angelica.

Dahil tungkol nga sa mag-ex ang tema ng Ex With Benefits, nag-iwan si Derek ng message sa mga mag-ex na “kung mahal mo ang ex mo isipin mo na lang na masaya siya. Kung napi-feel mo na mahal mo siya, ipaglaban mo, pero kung wala na, hayaan mo na lamang siya.”

Sa September 2 na ang nationwide showing ng Ex With Bene­fits na kasama rin si Meg Imperial at sa direksyon ni Gino Santos mula sa Wattpad Novel Series na sinulat ni Jeff Stelton.

Fans nina Alden at Yaya Dub, walang pakialam kahit nagkita na sila

Ayaw paapekto ang mga AlDub fans nina Alden Ri­chards at Maine Mendoza aka Yaya Dub, na hindi totoong hindi pa nagkikita nang personal ang kanilang mga idolo. May lumabas kasi na nagkita na raw ang dalawa noong 2010 sa isang Candy Fair ng Can­dy Magazine at may picture pa na magkasama sina Alden at Maine, kaya lamang hindi malinaw ang picture.  Pero nag-issue daw ng statement ang Candy Magazine na hindi sila nag-confirm na sina Alden at Maine na nga iyon pero inamin nilang nasa Candy Fair nga si Alden na hindi pa artista noon at ang gamit pa niya ang tunay niyang pangalan na Richard Faulkerson Jr.

Kung si Maine naman ang katabi ni Alden sa picture, hindi rin niya matandaan baka nga raw nagpa-picture sa kanya, pero that time 17 years old siya at tiyak high school student pa lamang ang 14-year old girl na nag-tweet din noon na aatend siya ng Candy Fair.

Very positive naman ang reaction ng AlDub fans na naniniwala sila sa ‘forever’ at ‘destiny’ dahil after five years muling nagkita ang dalawa at nabuo ang AlDub team.  At tiyak na ika­tutuwa ng mga fans nila ang sinabi ni Alden kahapon sa Eat Bulaga na malapit na ang pagkikita nila ni Maine, matapos na magkaroon ng twist ang YaKie wedding noong Satur­day, na dapat pala ay magkikita na sila.

Derrick dinedma ang offer ng Eat Bulaga?!

Nagulat naman ang manager ni Derrick Mo­nasterio sa mga lumabas sa column item na ipapasok daw sa KalyeSerye ng Eat Bulaga ang talent niyang si Derrick. Wala raw namang offer na nakararating sa kanya.  Ang humingi raw ng schedule sa kanya ay ang GMA Artist Center dahil may gaga­wing bagong soap si Derrick with Bea Binene. Busy raw kasi ngayon si Derrick dahil kumukuha ito ng political science sa San Beda College, Manila three days a week at ang free time nito, sa mga workshop bilang paghahanda sa bagong drama series at taping ng Vampire Ang Daddy Ko,  kaya hindi muna sila tumatanggap ng ibang TV guestings.