MANILA, Philippines – Nabisto ni Bianca Umali na takot pala sa palaka ang kanyang ka-loveteam na si Miguel Tanfelix at kasama sa magsisimulang Once Upon A Kiss ng GMA. May eksena kasi silang kinunan, at hindi lang pala umaarte si Miguel kundi totoong takot pala sa palaka ang bagets. Hindi dapat pabayaan ng GMA sina Miguel at Bianca, tiyak na sisikat ang dalawa sa 2015.
Direk Arlyn nadaan sa dasal ang tagumpay ng pelikula
Masaya si Direk Arlyn dela Cruz dahil nakalusot sa takilya ang kanyang movie sa New Wave Entry sa Metro Manila Film Festival (MMFF) na Maratabat. Pila-pila ang nanood nito at halos mapaiyak sa tuwa ang bagong direktora. Malaking tulong daw talaga ang pagdarasal. May susunod na siyang ipu-produce, ito ang Mandirigma, starring Derek Ramsay.