MANILA, Philippines - Sino ba itong male news broadcaster na pogi pa naman pero sinisitsit kung bakit ahit daw nang ahit ng kilay? Palihim tuloy itong tinatawanan dahil nakakabawas paghanga sa kaguapuhan nito. Dapat daw ay patalsikin ‘yung make-up artist nito, kung hindi sinasadya ang guhit sa kilay, eh binabakla niya ang male news reader.
Miguel maaga parati sa taping
Masayang malungkot ang mga huling taping ng Niño sa Pagsanjan, Laguna nina Miguel Tanfelix, Gloria Romero, Luz Valdez, at Katrina Halili. Malapit na kasing magtapos ang kanilang umaaribang teleseryeng. Balitang baka kung magtagal ang teleseryeng nabanggit, mapangatawanan na ni Miguel ang naturang role. Asiwang-asiwa kasi siya dahil nakagamayan na ito. Humanga naman ang mga kasama sa set ni Miguel, dahil kahit sa Cavite pa nakatira ang poging bagets, maaga itong dumarating sa set.
Ice bucket challenge nakakaumay na
Dapat tigilan na ‘yang Ice Bucket Challenge kasi kaplastikan lang na masasabi ito. Puwede namang mag-donate na lang ng pera nang hindi kailangan buhusan ng yelo ang mga na-nominate dito. Gusto lang daw noong iba na mapahanay sa mga sikat na personalidad na nabubuhusan ng yelo. Gaya-gaya talaga mga Pilipino.