Aktor na si Jan Manual, beki?

MANILA, Philippines - Confirmed na confirmed! Bading nga ang role na gagampanan ng Kapuso actor-comedian na si Jan Manual sa Holy Week Special ng CBN Asia na Ta­nikala na mapapanood ngayong Semana Santa sa GMA.

Sa unang episode ng Tanikala na pinamagatang My Sister, My Lover, gagampanan ni Jan ang kuwento ng buhay ni Art Duyan, isang dating bading na nakapag-asawa at nagkapamilya at ngayon ay pastor na. Makakasama ni Jan ang Kapuso co-star na si Sheena Halili na gaganap bilang si Cora, ang asawa ni Art.

Ayon kay Jan, hindi ito ang unang beses na gaganap siya bilang bading. Likas sa kanya ang pagiging magaling na komedyante kaya naman perfect na perfect ang role na nakuha niya. At dahil comedy-drama ang peg ng My Sister, My Lover, maraming eksena ang siguradong kaabang-abang.

“Hindi naman ako nahirapan kasi may mga previous gay roles na ako dati pero siyempre may mga awkward moments pa din lalo na kapag lalaki ’yung ka-eksena ko,” ayon kay Jan.

“Wala akong hesitations nung ini-offer ito sa akin ng CBN Asia kasi fami­liar na ko sa role. At alam kong si Lord ang tumutulong sa akin na magawa ng maayos ang pag-arte. Ginagawa ko ito para kay God. Swabe kapag para kay Lord mo ginagawa.”

Panoorin ang natatanging pagganap ni Jan Manual sa Tanikala: My Sister, My Lover sa April 17, Huwebes Santo, 5:30 p.m., sa GMA.