MANILA, Philippines - Last March 29, ipinagdiwang ang ika-40 anniversary ng MOWELFUND Foundation. Pinangunahan ng founder ng grupo na si Mayor Joseph “Erap†Estrada, kabilang sa mga dumalo sa foundation party sina Marichu Vera Perez-Maceda, Boots Anson-Roa, kasama ang mapapangasawang si Atty. King Rodrigo, German Moreno, Janice Jurado, Josefino Cenical, at Julius Topacio.
Nagkaroon ng misa na officiated ni Father Larry Faraon, kantahan na pinangunahan ng mga talent ng Walang Tulugan With Master Showman, kainan, at nagbigay ng parangal sa mga miyembro ng samahan na may taos-pusong serbisyo sa samahan. Ito ay sina Terry Mabunga, Francis Oliver, Aldiano Polido, Emma Mon-Alon, Ricky Arillano, Ricky Boy Vinarao, Sonia Geniloza, at Julius Topacio.
Simpleng pangarap na makatulong sa mga kapatid natin sa larangan ng showbiz ang hangarin ng MOWELFUND. Gusto ng grupo na mabigyan ng benepisyo at may matatakbuhan sa oras ng kagipitan ang mga nangangailangang showbiz worker. Taong 1974 pa nang matupad ang magandang layunin na ito ni Mayor Erap, sa tulong ng kanyang mga kaibigan na may malasakit sa mga taong nagpapatakbo ng industriya.