Jhong namimilipit sa harap ni Iza

Feeling ng mga madlang people na malaki na ang tama ni Jhong Hilario sa bagong It’s Showtime co-host na si Iza Calzado. Iba ang dating ng mga joke nila at tipong yina-yari ng friend-co-hosts si Jhong na tumama ang pana ni kupido sa puso ni Iza.

Jhong, halatang-halatang tinatamaan ka! Namimilipit ka sa harap ni Iza. At ang aktres naman ay nadadala yata!

’Pag nagkataon sasabihin ni Vice Ganda kay Iza: “Uwi!”

PMPC 30 years na

 Sa Marso 9 sa taong kasalukuyan gaganapin ang ika-30th year ng Philippine Movie Press Club (PMPC) Star Awards for Movies. Yes po, ang popular na award-giving body na pangatlo sa mga samahan sa showbiz na kumikilala sa magaganda, mahuhusay, at makikinang na katangian ng isang taga-movie, TV, at music industry. Ang dalawa pang prestigious awards ay ang FAMAS at Gawad Urian.

Same with Star Awards na puwede mo nang ipagmalaki na kahit iniintriga pa rin ang winner dahil gano’n naman ang showbiz lalo na sa award na pinanalunan mo dahil may iba riyan na nagsasabi na “paid award” daw dahil pera ang nagiging labanan.

Well, wala tayong magagawa dahil opinion nila ’yon, masaya sila sa kanilang ginagawa. Go! Basta don’t forget na sa March 9, 6 p.m., Solaire Resort and Casino, ang 30th Star Award for Movies. Star-studded ang produced ng Airtime Marketing nina Jun Howard at Tess Celestino at directed by Al Quinn.

Parang kailan lang nang itatag ni Ms. Cora Mendoza, na isang batikang entertainment writer, ang PMPC. Kaya ito natatag ay para ang mga movie reporter, isa na ako roon, magkaroon ng samahan na tutulong sa kanila sa oras ng pangangailangan katulad na lang ang ipagtanggol kapag ito ay namomroblema sa artista dahil may reporter noon na inaaway ng isang artista, o kaya naman kapag nagkakasakit.