MANILA, Philippines - Nakatataba ng puso ang suporta na ibinibigay ng ilang international celebrities sa mga naging biktima ng bagyong Yolanda o kilala sa international name na Haiyan noong nakaraang Nov. 8. Hinihikayat nila na magbigay ang iba pa ng tulong sa ating bansa lalo na sa mga taga-Visayas at Mindanao nung dumaan ang mapangpinsalang bagyo.
Nauna nang nagpadala ng kanyang dasal at suÂporta ay si Pope Francis at ang R&B singer na si RiÂhanna sa pamamagitan ng kanilang Twitter accounts.
Kabilang din sa mga nagparamdam ng concern ay ang Hollywood star and Sex and the City star na si Sarah Jessica Parker. Nabanggit pa nga nito ang kanyang pagbisita sa Pilipinas noong Mayo para sa pagbukas ng mall sa Taguig City.
Nagpaabot din ng dasal sina Josh Groban, Christina Aguilera, Ricky Martin, Sara Bareilles, at kahit ang boxing champ na si Floyd Mayweather, Jr.
Si Selena Gomez naman ay nag-request sa kanyang 17 million followers sa Twitter na magbigay ng kanilang donations sa United Nation’s Children’s Fund or UNICEF para makarating ito sa mga biktima ng bagyo sa ating bansa.
Gayun in ang Mexican superstar na si Thalia na ipinagdasal ang mga Pinoy at gumagawa ng kanyang makakaya para makapagpadala ng tulong.