Dingdong at Marian pinamisahan sa 62 na simbahan ng fans!

Happy birthday to Dingdong Dantes today, Aug. 2. Time out muna siya sa taping ng sci-fi drama series niyang Genesis for GMA 7 dahil isi-celebrate niya ang birthday niya with his family and, of course, with girlfriend Marian Rivera sa isang island, hanggang Aug. 4. No problem namang magbiyahe si Marian kahit last Wednesday lamang siya nao­perahan ng kanyang wisdom tooth. 

Maraming birthday greetings sa Twitter si Dingdong pero ang na-touch kami ay sa DongYan fans nila ni Marian na nagbigay sa kanila ng naka-frame na list ng 33 churches for him and 29 churches for Marian na may special masses for their birthdays. Marian will celebrate her birthday on Aug. 12 at sabi ni Dingdong sa ibang island na naman sila pupunta. 

May advance birthday gift na rin ang Cathy Valencia Skin & Body Centre kay Marian dahil kahapon ay itinaas na ang bago niyang malaking billboard sa EDSA at rene­wal ng isa sa mga endorsement niya.

Ryzza Mae nakabili na ng bahay at lupa sa Angeles

Masaya ang birthday dinner ni Manay Ethel Ramos na dinaluhan ng friends niyang entertainment press at may representatives din ng ABS-CBN at Star Cinema, GMA Network, at TV5.

Dumating din si Sen. Bong Revilla, Jr. na hindi kasama ang wife Congresswoman Lani Mercado-Revilla dahil from Congress ay dumiretso ito sa taping ng Mga Basang Sisiw. Si Aga Muhlach ay mukhang naka-get over na sa nangyari sa kanya sa natapos na elek­siyon. Nandun din sina Mother Lily Monteverde at Andeng Bautista-Ynares.  Iba-ibang topics ang napag-usapan. Isa rito ay ilang revelations tungkol sa kaso ngayon ng mag-asawang Raymart Santiago at Claudine Barretto na binigyan ng gag order ng kor­te na huwag nang magsalita pero bakit ang lawyer ni Claudine ay nag-issue pa ng statement?

Hindi rin mawawalang topic ang kakulitan ni Aling Maliit, si Ryzza Mae Dizon, na nakabili na pala ng sariling bahay nila sa Angeles, Pampanga at bibili rin ng sariling condominium unit somewhere na malapit sa Broadway Centrum. 

Nagkabiruan pa na hindi kaya maging isa ring Aiza Seguerra si Ryzza Mae paglaki? Mukhang hindi raw dahil at her young age, sa kanyang The Ryzza Mae Show, boys ang crush nito. Si Aiza raw noon, ang crush na mga artista ay sina Dina Bonnevie at Maricel Soriano.

Gwen aminadong hirap umiyak

Napapanood namin si Gwen Zamora sa mga crying scene niya sa Binoy Henyo nina Sheena Halili at child actor David Remo at halata mong hirap siyang umiyak. Inamin naman niya ito. Totoo raw nahihirapan siyang mag-emote dahil happy ang kanyang buhay — ang kanyang love life with boyfriend Raymond Romualdez, anak ni Alfred Romualdez at apo ni Mrs. Imelda Marcos-Romualdez. Kahit daw kasi sa isa pa niyang show, ang Bubble Gang, lagi silang nagpapatawa roon. 

Mabuti na raw lamang may pagka-kontrabida ang role niya bilang si Emily, wife ni Luis Alandy, sa story at stepmother ni Binoy.