Bela bilib na bilib kay Richard

Ang laki pala ng paghanga ni Bela Padilla sa new leading man niyang si Richard Gutierrez sa Love & Lies. Unang napansin niya sa aktor, akala niya ay seryoso ito pero makulit din pala kapag wala silang eksena. Maganda ang working relationship nila sa set at kung ano ang utos ni Direk Mark Reyes ay sinusunod nila pero pinapansin agad ni Richard kapag may nakita siyang inconsistencies sa eksena. Focused si Richard sa work.

Hindi naman itinatago ni Bela na happy siya sa boyfriend na si Neil Arce na noong birthday niya last May 3 ay na-appreciate niya ang gift nito na Popcorn Media Player na may laman nang 92 mo­vies na lahat ay favorite niya. Dahil busy, five cartoon movies pa lamang ang napapanood niya.

Mother L matagal nang may secret love

Si Mother Lily Monteverde ang nagbuko sa sarili na si Sen. Gregorio “Gringo” Honasan ang “secret love” niya nang bigyan niya ang 12th senatorial candidate na in-endorse niya para sa May 13 elections. Bago ipakilala ni Mother Lily ang senador, humingi siya ng dispensa bago niya kinanta ang Sec­ret Love para kay Sen. Gringo. In turn, sinagot naman siya ni Sen. Gringo ng isa ring song, ang You’re the Best Thing that Ever Happened to Me. Kaya binanggit din ni Mother Lily na sa pagmamahal niya noon pa sa senador, she produced Kumander Gringa ni Roderick Paulate na naging blockbuster sa box office.