KC walang makita sa future na magpapakasal

MANILA, Philippines - Super proud ang Kapamilya act­ress na si KC Concepcion dahil pasok ang pangalan niya sa 25 Sexiest International Actresses You Haven’t Heard Of ng US-based magazine na Complex. Nasa 23rd spot si KC at ito ang naging­ description sa kanya:

“KC Concepcion was born into fame: Her father is ’80s heartthrob Gabby Concepcion and her mother is the ‘Philippine Movie Queen’ Sharon Cuneta. KC is basically royalty, but she’s not riding on her mother’s coattails. She’s the UN’s National Ambassador Against Hunger, she starred in the highest grossing Philippine movie in 2008, For the First Time, she released her first album KC, and she’s set to host The X Factor Philippines.”

Ang nanguna sa listahan ay ang Mexican actress na si Adriana Fonseca.

Kabilang din sa listahan ang Malaysian actress na si Carmen Soo na nasa No. 5. Si Carmen ay gumawa ng ilang TV projects dito sa Pilipinas, kabilang na ang ABS-CBN primetime series na Kahit Isang Saglit (2008), kapareha si Jericho Rosales.

Sobrang nasorpresa ang TV host at actress nang makarating sa kanya ang balitang ito.

“Thank you… but I think, ’yung sa Complex Magazine is a real surprise because it’s a New York magazine.

“And hindi ko rin alam kung paano nila ako nakita doon.

“Parang I feel so proud to be Pinay kasi parang ako lang ang Filipina doon sa list.

“And it was not just sexiest parang it’s talking about I can… or parang they are recognizing lang international actresses,” sabi pa ni KC.

Paano kung na-discover siya internationally, iiwan ba ni KC ang career niya sa Pilipinas?

Sagot niya, “Hindi. May tatapusin pa akong te­leserye at meron din akong uumpisahang hosting job dito sa ABS-CBN.” 

Meanwhile, naitanong din kung kailan nakikita ni KC na magse-settle down na siya. Siya ba ang taong nagpaplano?

 â€œIto na nga po ang sinasabi ko kay Tita Kris (Aquino) nang mag-co-host ako sa show niya. Sabi ko, ‘When I was around eighteen, nag-twenties na ako, gumagawa ako ng three-year, five-year plan.

“Pero pagdating ko ng twenty five, twenty six, sabi ko, wala na akong makita for my future. Sabi ko, ‘Bakit wala akong makitang vision for my future?’ Talagang nag-meditate ako, may kandila ako doon, may peppermint stick.

“Kailangan ko ng music, kailangan ko ng ambience para makita ko ang future ko pero wala.

“Kaya sabi ko, ‘Lord, go with the flow muna tayo,’” kuwento ni KC.