Drama actor inalat nang magpalit ng manager

Nag-iisip na rin daw ang drama actor na ito na maghanap ng bagong manager dahil hindi siya satisfied sa nangyayari sa kanyang career.

Hindi sinuwerte ang naturang actor simula noong magpalit siya nang mag-aasikaso ng kanyang career. Nagkasunud-sunod ang hindi magagandang pangyayari sa kanya na nakaapekto sa magandang katayuan niya sa kanyang trabaho.

Nalaman pa ni drama actor na binabarat na pala siya ng mga gustong kunin ang serbisyo niya.

Ayaw na raw kagatin ng mga ito ang dating talent fee niya dahil hindi naman daw worth it kung babayaran siya ng ganun kalaki.

In short, tinatawaran na siya at sumama raw ang loob ni drama actor nang makarating sa kanya iyon.

Marami ang nagsasabi sa drama actor na hindi maganda ang vibes na dumating sa kanya noong iba na ang humawak sa kanya. Mas maganda raw ang chemistry nila ng dating nag-aasikaso sa kanya.

Pero walang magagawa si drama actor dahil nag-commit siya sa mga taong humahawak sa kanya ngayon. Kahit na mas malaking pera ang nawala sa kanya kesa sa kinikita niya.

Dahil sa mga hindi magagandang pangyayari, hinihintay na lang ni drama actor na matapos ang kanyang kontrata sa mga humahawak sa kanya. Isang buwan na lang daw ay mag-expire na ito kaya malaya na siyang makahanap ng ibang hahawak sa kanya.

Pero bago nga raw siya maghanap ng bago, sasamahan niya ng dasal muna para hindi siya muling malasin sa kanyang trabaho.

Tribute kay Mommy Elvie ipapalabas na

Palabas na nga ngayong Sabado ang special Mother’s Day tribute ng businesswoman-TV producer na si Cristina Castillo para sa kanyang yumaong mother-in-law na si Elvie Villasanta o mas kilala bilang Mommy Elvie.

Sa GMA News TV ipapalabas ngayong 11:00 AM ang Mommy Elvie: A Mother’s Day Special kung saan ipapakita nila ang ilang never-before-seen footages ni Mommy Elvie mula sa kanyang reality-comedy show na Mommy Elvie@18.

MAGTATAGISAN

Ang tatlo sa pinakamagagandang artista ng Kapuso network na sina Solenn Heussaff, Julia Clarete, at Isabelle Daza ay magsasama-sama sa pinakamasayang game show sa bansa ngayong Sabado, ang Celebrity Bluff.

Magtatagisan ng galing ang tatlong magagandang dilag sa kanilang pagharap sa mga questions mula sa mga hosts na sina Eugene Domingo, Jose Manalo, and Wally Bayola kasama pa si Brod Pete.

Abangan sa Celebrity Bluff ngayong Sabado pagkatapos ng Magpakailanman sa GMA.