P-Noy mas gustong isama sa beach ang kanyang kusinera kesa kay Bianca

MANILA, Philippines - Natawa naman ako sa report ng TV Patrol kagabi nang interbyuhin nila si Pangulong Noynoy Aquino tungkol sa sinasabing pagdi-date nila ng beauty queen/TV host na si Bianca Manalo.

Inamin niya namang nagkita sila ni Bianca pero parang wala naman siyang ganang pag-usapan.

Nang tanungin siya tungkol sa isyu ng pagbe-beach nila, ang sagot ni Presidente Noynoy, kung pupunta siya sa beach, mas gusto niyang kasama ang kanyang cook.

Hahaha.

Ganyan. ‘Yun naman pala, hindi si Bianca ang gusto niyang makasama sa beach kundi cook.

Sino bang kusinera ni P-Noy? Baka naman kasi maganda,  seksi at puwedeng mag-bikini. Hahaha. Choz lang.

Dati niya kayang yaya ang nasabing kusinera niya.

Gretchen ipinagtanggol ng kapatid na lalaki, tinalo ang ina

Matapos lumabas na walanghiyang anak at kapatid ang actress na si Gretchen Barretto at itakwil ng inang si Inday Barretto, idinepensa naman siya ng kanyang kapatid na si Joaquin Barretto the other night.

In fairness nagpadala siya ng statement sa media. Literal na sinupalpal niya ang mga pinagsasabi ng kanilang inang si Inday Barretto.

Ang say ni Joaquin, si Gretchen ang bumuhay sa kanila noon, noong sinasabi ng kanilang ina na ST Queen lang naman si Gretchen eh teleserye queen si Claudine. “You have lifted Claudine on a pedestal as the teleserye queen and labeled Gretchen nothing but an ST queen. But who took over the role of her parents, worked at the age of 12 and gave up her education to put her siblings to school? Who put food on the table, paid for the rent, electricity and hospital bills when dad suffered from his heart condition at least two times?”

Nagsalita rin siya tungkol kay Claudine na marami raw itong mga prepaid sim cards at ang katotohan ng ugali ni Claudine. “What bothers me most is that while she attacks my sister, Gretchen, and pictures her as evil personified, she seems to have forgotten the truth. Mom, as you have gone out of (your) way to answer the issues that Claudine ought to answer for herself, maybe it is high time to reflect on things and address these concerns as well.

“Hasn’t Claudine changed her mobile number many times while still owning many prepaid sim cards as well?”

“If there is anyone who cared more for her niece, we all know it is Gretchen, as she has proven when she chose to protect me and my siblings for a long, long time. This explains exactly why, as you said, we never complained about our childhood,” pagtatanggol niya kay Gretchen.

At sinabi rin nito na may pinagdadaanan ang asawa ni Raymart Santiago (na sinabi ng kanilang ina na nilayasan ni Raymart).

“We all know the truth about Claudine’s condition. May I remind you that it was you and dad who had her put in a hospital because you wanted to save her from destroying herself. Yes, Claudine is going through rough times. Again.” 

Grabe na ang gulo nila.

Subukan kaya nilang mag-usap-usap para hindi na makaladkad sa publiko ang kanilang mga problema.

Ngayon pa naman aktibo ang social media, so konting isyu lang lumalaki na.