How true na hindi papatulan ng ABS-CBN ang isyu tungkol sa Instagram post ni James Yap?
Ito ‘yung Instagram post na binati niya ng happy birthday ang kanyang anak na si Bimby at nakakuha ng sangkatutak na simpatiya mula sa netizens.
Wala akong nakikitang masama kung hindi papatulan ng Kapamilya Network ang isyu. Nangangahulugan ‘yon na pinoprotektahan nila ang kanilang contract star na si Kris Aquino. Normal lang sa mga TV network na protektahan ang mga talent nila.
Personalidad na buking na ang katakawan sa publicity, dinedma-dedma ang TV host
Imbiyerna sa isang personality ang TV host na diÂnedma ang kanyang mga text at tawag sa cell phone.
Nainsulto ang TV host dahil in good faith ang kanyang pagtawag at may lilinawin lamang siya sa personalidad na hindi naman sikat pero dedma ito.
Sa totoo lang, mahilig sa publicity ang personalidad na tinutukoy ko dahil nakita ko siya na pakalat-kaÂlat sa isang event na pinuntahan ko. Nagbunga naman ang kanyang drama dahil pinagkaguluhan siya ng press dahil hot ang showbiz issue na kinasasangkutan niya.
Jillian magho-host din!
Bukod sa Home Sweet Home, magkakaroon si Jillian Ward ng bagong TV show sa GMA 7.
Bale siya ang magiging host at paminsan-minsan ay magbibida sa mga episode ng programa na fantaserye ang concept.
Hindi ko pa alam ang title ng program pero sigurado nang may bagong project si Jillian kaya magiging visible na uli siya sa TV.
Golden anniversary ni Kuya Germs sagot ng GMA 7
Nag-iimbita na si German Moreno para sa golden anniversary niya sa showbiz na gaganapin sa Newport Performing Arts Theater sa Resorts World Manila sa April 24.
Gustuhin ko man na puÂmunta hindi ako puwede dahil naka-oo na ako sa imbitasyon ni Albay GoÂverÂnor Joey Salceda.
Maraming miyembro ng entertainment press ang invited ni Papa Joey kaya mababawasan ang mga reporter na dadalo sa important night sa buhay ni Kuya Germs.
I-wish na lang natin si Kuya Germs ng good luck at congrats dahil sa mga kontribusyon niya sa local showbiz. Ang GMA 7 ang producer ng anniversary show ni Kuya Germs na mapapanood sa Kapuso Network sa April 27.
Jake buking na love pa rin si Andi!
Dahil Sabado ngayon ire-remind ko sa lahat na huwag kaligtaan na panoorin ang Startalk dahil mga hot showbiz news ang inyong matutunghayan sa aming programa.
Ako ang nag-interbyu kay Jake Ejercito na nagsalita sa tunay na status ng relasyon nila ni Andi Eigenmann. Base sa mga sinabi ni Jake, in love sila ni Andi sa isa’t isa kahit walang direktang kumpirmasyon mula sa kanila.