Wala yatang makatagal na driver sa sikat na magandang aktres na ito, mabait naman siya kaya lang mababang magpasweldo, kuripot ikaw nga.
Sobrang puyat ang inaabot ng driver sa aktres dahil sa magdamagang taping pero hindi man lang marunong magbigay ng dagdag na sweldo kahit inuumaga na sa pagda-drive.
Hindi rin siya nabigyan ng pakonsuwelong Christmas gift o bonus gayung loyal naman sa aktres, ngayon ay nag-iisip na siyang lumipat sa iba dahil matagalang ang puyat at mababang sweldo.
Dingdong, tuloy sa pagpoprodyus ng movie
Ngayong 2013 tuloy pa rin sa pagiging prodyuser ni Dingdong Dantes matapos kumita sa takilya ang Tiktik: The Aswang Chronicles under his Agosto Dos Productions.
Prioridad pa rin nito ang kanyang career gayundin ng girlfriend na si Marian Rivera kaya malayo pa sa isipan nila ang pag-aasawa. Inamin naman ng aktor na ito ang pinakapangarap niya sa buhay-ang makasal sa babaeng pinakamamahal pero hindi pa sa ngayon.
Magbibigay silang magkasintahan ng donasyon sa mga nasalanta ng Pablo. Naniniwala si Dong na ang pinsalang ito na hatid ng bagyo ay hindi naman nakakaapekto sa kita ng mga pelikulang kalahok sa Metro Manila Film Festival.
“Ang panonood ng pelikula ay isang paraan para maging masaya ka at makakalimutan ang problema dahil mae-entertain ka,” sabi ni Dingdong.
Tampok si Dingdong sa One More Try ng Star Cinema kasama sina Angel Locsin, Angelica Panganiban, at Zanjoe Marudo. Palabas na ang pelikula ngayon.