Dahil lalaki ang kasama ng aktres, nawala ang mga pagdududa na tomboy ang karelasyon niya.
Hindi naman tsismis na may dyowa na tomboy ang aktres dahil ang mga kaibigan nila ang nagkukuwento tungkol sa kanilang love affair. Puwedeng hiwalay na ang aktres at ang tomboy kaya mhin na uli ang karelasyon ng una. Mahirap mag-conclude na may relasyon pa rin ang aktres sa tiboli dahil malaking eskandalo ito kapag nagkataon.
Related sa showbiz family ang tomboy na guwapung-guwapo kung naging tunay na lalaki. Hindi baguhan sa pakikipagrelasyon sa aktres ang tomboy dahil mas sikat na artista ang former girlfriend niya.
’Yun nga lang, hindi nagtagal ang kanilang pagsasama dahil natauhan na rin ang aktres na pinili na makipagrelasyon sa opposite sex. Lalaking-lalaki at walang bahid ng kabadingan ang current dyowa ngayon ng aktres.
Sharon dedma sa hiwa ni KC
Natawa ako sa nabasa ko na bakat ang hiwa ni KC Concepcion sa kanyang 2013 calendar. Naninibago ako dahil hindi ako sanay na seksi ang mga publicity tungkol sa anak ni Sharon Cuneta.
In fairness, may magandang katawan si KC na puwedeng ipagmalaki at ayon sa mga naka-sight sa kanyang sexy calendar, disente ang pictorial niya.
Gustong malaman ng fans ang reaksiyon ni Sharon sa daring pictorial ng kanyang eldest daughter. Wait na lang kayo sa mga tweet ng Megastar.
Sikat na aktor inisnab ang pinagsasabi ng ex-GF na ’di matino
Nasa ibang bansa pala ang isang sikat na aktor kaya walang komento ang kampo niya tungkol sa muling pagsasalita sa TV ng kanyang ex-girlfriend. Walang dapat ibahala ang kampo ng aktor dahil walang pangit na sinabi laban sa kanya ang ex-girlfriend na masyadong makulay ang buhay. Kung naging matino ang ex-girlfriend, baka sila pa rin ng aktor ang magkarelasyon.
Regine pipiyok na sa biglang pagpayat
Maraming salamat sa mga nanood ng Startalk noong Sabado dahil wagi sa rating ang aming show kahit ang kuwento tungkol sa surprise wedding nina Carmina Villarroel at Zoren Legaspi ang katapat namin. Pinanood ng televiewers ang interview ng Startalk kay Katherine Luna at ang pagkawala ng boses ni Regine Velasquez sa Silver concert nito. Nakakabilib si Regine dahil hitsurang masama pa ang kanyang pakiramdam, umapir siya sa H.O.T. TV noong Linggo at ngayong tanghali, may presscon siya para sa Sexy Solutions ng Belo Medical Clinic. Magsasalita si Regine tungkol sa positive effects ng Anti-Plateau Diet Program na ginawa ng Sexy Solutions para sa kanya. Ang Sexy Solutions ang may kagagawan sa mabilis na pagpayat ng misis ni Ogie Alcasid.