Kaya pala ayaw sa TV host BF ni Toni pinag-iinteresan ni Paolo!

Natawa kami kay Paolo Ballesteros sa presscon ng D’ Kilabots Pogi Brothers…Weh!? na pinagbibidahan nina Jose Manalo at Wally Bayola kung saan ay kasama rin sa cast ang aktor.

Natanong kasi si Paolo kung nagkaroon ba siya ng crush kay Toni Gonzaga na during their early days ng kanilang career ay kasama niya sa Eat Bulaga at ayon sa aktor, ang crush daw niya ay ang boyfriend ngayon ng TV host na si Paul Soriano.

Nagtawanan talaga to the max ang press people sa dialogue na ’yun ni Paolo.

May naging pahayag din kasi si Toni na crush niya before si Paolo na parang pinagtiyap naman, kamukha nga nito si Paul.

Nilinaw niyang hindi niya naging girlfriend si Toni at hindi rin niya ito niligawan.

 “Siyempre magkasama kami araw-araw sa Eat Bulaga, pinaghihimay ng hipon, ganyan,” he said.

Sa pelikula, as usual ay bading ang role ni Paolo na talaga namang hahangaan mo dahil ang ganda-ganda niyang bading. At mukhang gamay na gamay na nga niya ang gay role.

Showing na sa Nov. 28 ang pelikula mula sa direksiyon ni Soxy Topacio at trailer pa lang ay talaga namang tawa na kami nang tawa.

Kasama rin sa movie sina Pokwang at Solenn Heussaff bilang leading ladies nina Wally at Jose, Gina Pareño, Jimmy Santos, Tirso Cruz III, at iba pa. The movie is produced by APT Entertainment at M-Zet Productions.

Imbitasyong dinner ni Kris ni-reject ng pumepeke sa kanya

Mistula namang may presscon si Kris Aquino sa kanyang Twitter account dahil sa kanyang mga sagot sa tanong ng kanyang mga follower.

Mula sa kanyang beauty secrets hanggang sa mga little things about her and her two sons, Joshua and Bimby hanggang sa love life niya, sinasagot itong lahat ni Krissy.

Ang pinaka-naaliw kami sa lahat ay ’yung pag-in­vite niya sa gumawa ng fake Krissy interview na mag-dinner sila pero tinanggihan siya nito.

’Yung fake Krissy interview na ’yun ay naging sanhi ng muntikanan nang pag-aaway nina Kris at Sharon Cuneta dahil akala ni Megastar ay ang tunay na Kris ang nag-tweet na hindi niya pina-follow si Mega dahil ayaw niyang ma-stress.

Mabuti naman at nagkaliwanagan sila ni Kris and in the end, tinawag ni Shawie na “sick in the head” si ‘fake’ Krissy na kung sinusundan n’yo ang account, maaaliw din kayo sa kanya.

Sumagot naman si fake Krissy sa tweet ni Sharon at sinabing hindi na niya kasalanan kung misinformed si Mega. Tagal na raw niyang ginagawa ang fake Krissy interview at ngayon lang may nag-react.

Anyway, dahil smart and witty nga ang misteryo­sang manggagaya, iniimbitahan siya ng Queen of All Media na mag-meet at mag-dinner pero tinanggihan siya noong una.

Latest tweet ni Kris, “We are getting together next week” patungkol kay fake Krissy at ewan lang kung ige-guest niya ito sa Kris TV.

In fairness, bilib si Kris sa katalinuhan ni fake Krissy at nag-thank you pa siya rito for treating her parody with intelligence. Abangan natin ang pagmi-meet ng dalawa.