Lady Bulldogs, Tigresses kinumpleto ang SSL semis

MANILA, Philippines — Winalis ng nagdede­pen­sang National University at University of Santo To­mas ang kanilang mga nakatunggali upang kum­pletuhin ang Final Four cast ng 2024 Shakey’s Su­per League collegiate pre-season championship sa Ri­zal Memorial Coliseum no­ong Linggo.

Nagsanib-puwersa sina veterans Bella Belen at Alyssa Solomon para ak­ba­yan ang may tangan na ‘twice-to-beat’ advantage na Lady Bulldogs kontra sa University of the Philippines Lady Maroons, 25-12, 25-22, 25-17, sa quarterfinals.

Napalaban nang todo ang Lady Bulldogs sa Figh­ting Maroons sa se­cond set, pero sa third frame ay hinarurot na nila ang ka­­laban upang harapin sa se­mis ang unbeaten Far Eastern University.

“Ayaw naming ma-waste ‘yung pinaghirapan namin sa training,” sabi ng reigning tournament MVP na si Solomon.

Inaabangan ng mga volleyball fans ang pagha­ha­rap muli ng NU at FEU.

Tumikada si Kassandra Doering ng 10 mar­kers para sa UP na lalaro sa classi­fication round sa event katuwang ang Smart Sports, PLDT Fibr, Mikasa, Asics, Rebel Sports, Eurotel, Victory Liner, Commission on Higher Education (CHED), Philippine Sports Commission (PSC), at SM Tickets bilang technical part­ners. 

Samantala, pinatalsik ng Golden Tigresses ang Uni­­versity of the East, 25-22, 25-21, 25-21, para ha­ra­pin sa semis ang De La Salle University.