Thunder inangkin ang division titleThunder inangkin ang division title
OKLAHOMA CITY — Humakot si Jaylin Williams ng career-high 19 points bukod sa 17 rebounds at 11 assists para sa kanyang ikalawang career triple-double sa 133-100 pagmasaker ng Thunder sa Philadelphia 76ers.
Nanalo ang Oklahoma City (57-12) bagama’t hindi naglaro sina starters Shai Gilgeous-Alexander, Lu Dort, Isaiah Hartenstein at Jalen Williams dahil sa injuries.
Kumamada si Aaron Wiggins ng 26 points para sa Western Conference-leader na nakopo ang Northwest Division title at lumapit sa pag-angkin sa No. 1 seed sa Western Conference.
Nag-ambag si Isaiah Joe ng 21 points at may 19 markers si Chet Holmgren.
Bumanat si Quentin Grimes ng 28 points kasunod ang 19 markers ni Justin Edwards para sa Philadelphia (23-46) na muling naglaro na wala sina injured starters Tyrese Maxey, Kelly Oubre Jr., Joel Embiid at Paul George.
Sa Los Angeles, tumipa si Luka Doncic ng 31 points, 9 rebounds at 7 assists sa 120-108 paggupo ng Lakers (43-25) sa Denver Nuggets (44-26).
Sa Sacramento, umiskor si DeMar DeRozan ng 27 points sa 123-119 paglusot ng Kings (35-33) sa Cleveland Cavaliers (56-13).
- Latest
