Win No. 2 target ng Junior Altas

MANILA, Philippines — Ang ikalawang sunod na panalo ang target ng University of Perpetual Help System DALTA sa pagsagupa sa College of St. Benilde-La Salle Greenhills sa NCAA Season 100 juniors basketball tournament sa FiloIL EcoOil Centre sa San Juan City.

Nakatakda ang upakan ng Junior Altas at Greenies ngayong alas-12 ng tanghali matapos ang banatan ng back-to-back champions Letran Squires at Mapua Red Robins sa alas-10 ng umaga.

Sa unang laro sa alas-8 ng umaga ay magtutuos ang Jose Rizal Light Bombers at Lyceum Junior Pirates.

Magkikita ang Arellano Junior Chiefs at EAC Brigadiers sa alas-2 ng hapon kasunod ang laro ng San Beda Red Cubs at San Sebastian Staglets sa alas-4 ng hapon.