One Silay Sports hinataw ang tanso sa PNVF U21

MANILA, Philippines —  Inangkin ng One Silay Sports ang bronze medal ng Philippine National Volleyball Federation (PNVF) Under-21 Championship National Men’s Division ma­tapos takasan ang Umi­ngan, 22-25, 32-30, 25-20, 25-19, kahapon sa Ninoy Aquino Stadium.

Pumalo ang 20-anyos na si Ike Andrew Barelia ng 30 points mula sa 29 attacks at isang service ace para banderahan ang One Silay na tinapos ang Umingan sa loob ng isang oras at 48 minuto.

Umiskor ang 17-anyos na si Vin Mark Ca­noy ng 17 markers sa torneong inor­ganisa ng PNVF sa pa­mumuno ni Ramon “Tats” Su­zara.

Binanderahan ng 16-anyos na si Michael An­gelo Fernandez ang Umi­ngan sa kanyang 18 points, habang may 17 mar­kers ang 20-anyos na si Milson Janrey Galzote sa torneong suportado ng Akari, Philippine Sports Commission, Philippine Olympic Committee, Me­ralco, PLDT, Smart, Ayala­Land, Nuvali, Mikasa, Se­noh, Asics, Rebisco, Cignal, OneSports, OneSports+ at Pilipinas Live.

Kasalukuyan pang nag­lalaban ang Zamboanga City at University of the East para sa gold medal habang isinusulat ito kagabi.