Emotional debut ni KKD sa High Speed Hitters
MANILA, Philippines — Hindi naiwasan ni Kim Kianna Dy na maiyak sa kanyang debut para sa PLDT Home Fibr sa 2024-25 Premier Volleyball League (PVL) All-Filipino Conference noong Martes.
Halos dalawang taon kasing hindi nakalaro ang 5-foot-10 opposite spiker dahil sa kanyang right knee injury na nangyari noong Hulyo 20, 2023 habang suot ang F2 Logistics jersey sa PVL Invitational Conference.
“I guess as a player I’ve been more patient with myself because the journey of me being here right now wasn’t really easy. It’s been a hard year,” wika ni Dy matapos ang 25-20, 25-21, 20-25, 25-22 panalo ng High Speed Hitters (5-3) kontra sa Cignal HD Spikers (5-2).
Ipinasok ni PLDT coach Rald Ricafort ang 29-anyos na si Dy sa fourth set kung saan hawak nila ang 16-7 bentahe laban sa Cignal.
“I’m still trying to get to my 100 percent and I’m slowly getting there. It hasn’t been easy but thankfully with my teammates and my coaches, they make it easier for me kahit hirap na hirap na ako,” sabi ni Dy.
Ayon kay Ricafort, hindi pa sana niya gagamitin ang dating La Salle Lady Spikers star.
“Actually, dapat hindi pa siya today kasi based sa progress ng recovery niya, kaka-try niya lang mag-back-to-back na hard training, nakaisa pa lang, so ini-incorporate pa lang siya unti-unti pero nasubukan nang maaga-aga,” ani Ricafort kay Dy.
Muling nakasama ni Dy sa High Speed Hitters ang mga dating Lady Spikers teammates na sina Mika Reyes at Kim Fajardo.
“Since I’m new sa team, super excited to play because I was with my team before for the past years and just to play with new faces is so refreshing. I was just really happy to be part of the team,” sabi ni Dy.
- Latest
