Labor arbiter sa Negros nanghawod sa IBP-NCL chessfest
CEBU, Philippines — Si Jason Bandal gikoronahang kampiyon sa Integrated Bar of the Philippines (IBP) 20th National Convention of Lawyers (NCL) Rapid Chess Tournament 2025 niadtong Miyerkules, Enero 29, didto sa Robinsons Galleria Cebu.
Nagtabla unta si Bandal ug si Philip King Cartagena sa IBP-Quezon City bitbit ang managsamang 5.0 puntos apan ang labor arbiter nga nagrepresenta sa IBP-Negros Oriental maoy misakmit sa titulo kortesiya sa mas taas niining tiebreaker.
Sila si Sherily Cua sa IBP-CALMANA, William Cordova sa IBP-Cebu ug Fiscal Rodrigo Aquino Jr. savIBP-Nueva Ecija ang mi-okupar sa ikatulo ngadto sa ikalimang puwesto uban ang 4.5 puntos matag usa.
Si Vernie Tinapay sa IBP-Cebu nagsolo sa ikaunom nga dapit uban ang 4.0 puntos.
Naglangkob sa Top 10 sila si Aaron Quilang sa IBP-Isabela ug Jeah Jean Gacang, Michael Esparagoza ug Nowyn Hope Jangad sa IBP-Cebu uban ang 3.5 puntos.
- Latest
