Lakers sapaw sa 76ers
PHILADELPHIA — Nagpaputok si Tyrese Maxey ng 43 points kasama ang apat na three-point shots para banderahan ang 76ers sa 118-104 pagpapabagsak sa Los Angeles Lakers.
Nagdagdag si Kelly Oubre Jr. ng 20 markers para sa Philadelphia (18-27) at may 16 at tig-14 markers sina Ricky Council IV, Eric Gordon at Guerschon Yabusele, ayon sa pagkakasunod.
Hindi naglaro sina injured stars Joel Embiid (left knee injury management) at Paul George (tendon damage).
Pinamunuan ni LeBron James ang Los Angeles (26-19) sa kanyang 31 points habang hindi tinapos ni Anthony Davis ang first period dahil sa abdominal muscle strain.
Nagtala si Davis ng 4 points, 2 rebounds at 1 steal.
Sa Atlanta, nagposte si Fil-Am Jalen Green ng 25 points para gabayan ang Houston Rockets (32-14) sa 100-96 pagpapabagsak sa Hawks (22-25).
Sa Portland, bumira si Deni Avdija ng season-high 30 points para pangunahan ang Trail Blazers (18-29) sa 125-112 pagpapatumba sa Milwaukee Bucks (26-19).
Sa San Francisco, kumamada si Dennis Schroder ng 23 points sa 114-103 paggupo ng Stephen Curry-less Golden State Warriors (23-23) sa Utah Jazz (10-35).
- Latest
