SAN FRANCISCO - Humakot si Anthony Davis ng 36 points at 13 rebounds habang naglista si LeBron James ng 25 points at 12 assists sa 118-108 paggupo ng Los Angeles Lakers sa Golden State Warriors.
Sinamantala ng Lakers (25-18) ang hindi paglalaro nina injured forwards Draymond Green (calf strain) at Jonathan Kuminga (sprained ankle) para sa Warriors (22-23) na nakahugot kay Stephen Curry ng 13 points.
Kumonekta si Max Christie ng isang three-pointer para sa 74-65 abante ng Lakers sa gitna ng third period.
Mula rito ay hindi na nakadikit ang Warriors na pinamunuan ni Andrew Wiggins sa kanyang 20 points at 6 rebounds.
Sa Cleveland, humakot si Amen Thompson ng triple-double na 23 points, 14 rebounds at 10 assists sa 135-131 pagtakas ng Houston Rockets (30-14) sa Eastern Conference-leading Cavaliers (36-9).
Sa Orlando, kumamada sina Franz Wagner at Paolo Banchero ng tig-32 points sa 121-113 panalo ng Magic (24-23) sa Detroit Pistons (23-22).
Sa New York, humataw si OG Anunoby ng 33 points at tumipa si Josh Hart ng triple-double na 20 points, 18 rebounds at 11 assists sa 143-120 paglampaso ng Knicks (30-16) sa Sacramento Kings (23-22).
Sa Phoenix, nagbagsak si Kevin Durant ng 29 points habang may 20 markers si Nick Richards bukod sa career-high 19 rebounds sa 119-109 pagdaig ng Suns (23-21) sa Washington Wizards (6-38).