T-Wolves tsinibog ang Magic para sa ika-3 dikit
ORLANDO, Fla. - Nagkadena si Julius Randle ng 23 points at 10 rebounds at may 21 markers si Anthony Edwards para banderahan ang Minnesota Timberwolves sa 104-89 pagdaig sa Magic.
Ito ang ikatlong sunod na arangkada ng Minnesota (20-17).
Nag-ambag si Naz Reid ng 16 points, habang humakot si Rudy Gobert ng 10 points at 12 rebounds.
Pinamunuan ni Goga Bitadze ang Orlando (22-17) sa kanyang 15 points kasunod ang 13 markers ni Kentavious Caldwell-Pope.
Inaasahang magbabalik sa aksyon si Paolo Banchero, hindi naglaro simula noong Oktubre matapos magkaroon ng torn right oblique, ngayon sa pagsagupa ng Magic sa Milwaukee Bucks.
Ang slam dunk ni Edwards laban kay Anthony Black ang nagbigay sa Timberwolves ng isang 10-point lead sa huling 3:19 minuto sa third quarter na hindi na nila pinabayaan hanggang sa fourth period.
Sa Detroit, umiskor si Buddy Hield ng 19 points para tulungan ang Golden State Warriors (19-18) sa 107-104 pag-eskapo sa Pistons (19-19).
Sa Cleveland, bumanat si Darius Garland ng season-high 40 points sa 132-126 panalo ng NBA-leading Cavaliers (33-4) sa Toronto Raptors (8-30).
Sa Memphis, humakot si Alperen Sengun ng 32 points at 14 rebounds sa 119-115 pagpapatumba ng Houston Rockets (25-12) sa Grizzlies (24-14).
- Latest
