Irving dili makaduwa sud sa duha ka semana

CEBU, Philippines — Ang All-Star guard sa Dallas Mavericks nga si Kyrie Irving wala makaduwa sa ilang sangka batok sa Memphis Grizzlies sa NBA kagahapong adlawa kay dunay gihambin nga sakit sa iyang likod.

Gumikan niini, si Irving lagmit dili makapakita'g akasiyon sa mosunod nga duha ka semana.

Ipaubos siya sa dugang eksaminasyon ug dayon rehabilitasyon mao nang wala pa mahibaw-i kon kanus-a siya matikang og balik sa korte,

Si Irving wala gihapon makaduwa niadtong Sabado diin sila gipilde sa Cleveland Cavaliers tungod sa maong balitan.

Sa miaging semana, nakapalta siya og usa ka duwa didto sa Sacramento kay nayayay ang iyang abaga.

Ang Mavs, nga maoy defending Western Conference champion, napiangan nang daan kay wala ang superstar nilang si Luka Doncic kay na-angol ang paa niadtong adlaw sa Pasko.

Napilde sila sa katapusan nilang upat ka duwa.

Si Irving, kanhi Rookie of the Year nga nakasamit og NBA title uban sa Cavs niadtong  2016, mi-average og 24.3 puntos, 4.6 rebounds ug 4.9 assists sud sa 30 ka duwa ning season.