Tatum, Celtics binawian ang Bulls

CHICAGO, Philippines — Humakot si Jayson Tatum ng season-high 43 points, 16 rebounds at 10 assists para sa kanyang ikatlong career triple-double sa 123-98 pagresbak ng nagdede­pen­sang Boston Celtics kontra sa Bulls.

Sumama si Tatum kay NBA legend Larry Bird bi­lang tanging Celtics pla­yer na nagtala ng isang 40-point triple-double.

Nagdagdag si Kristaps Porzingis ng 22 points at may 19 markers si Jaylen Brown para sa Boston (22-6) na nagmula sa 108-117 kabiguan sa Chicago (13-16) noong Huwebes.

Iniskor ni Tatum ang 18 points sa third quarter sa paglulunsad ng Celtics ng isang 19-8 atake para kunin ang 93-77 abante papasok sa fourth period.

Pinamunuan ni Nikola Vucevic ang Bulls sa kanyang 19 points at 10 assists at nagdagdag sina Zach LaVine, Coby White at Patrick Williams ng tig-14 points.

Sa Minneapolis, nagbagsak si Stephen Curry ng 31 points sa 113-103 pa­nalo ng Golden State Warriors (15-12) sa Minnesota Timberwolves (14-13).

Sa Milwaukee, bumira si Bobby Portis ng season-high 34 points sa 112-101 pagsuwag ng Bucks (15-12) sa Washington Wizards (4-22).

Sa San Antonio, nagka­dena si Victor Wembanyama ng 30 points at dinuplika ang career high 10 blocks sa 114-94 panalo ng Spurs (15-13) sa Portland Trail Blazers (9-19).

Sa Cleveland, umiskor si point guard Darius Gar­land ng 26 points at nag­pos­te si Evan Mobley ng 22 points, 13 rebounds at 7 assists, sa 126-99 pagbugbog ng NBA-leading Cavaliers (25-4) sa Philadelphia 76ers (9-17).

Sa New Orleans, bumi­ra si Jalen Brunson ng sea­son-high 39 points sa 104-93 pagpulutan ng New York Knicks (18-10) sa Pe­licans (5-24).

Sa Orlando, iniskor ni Cole Anthony ang 27 sa kan­yang 35 points sa se­cond half para sa 121-114 pag­papatumba ng Ma­­gic (18-12) sa Miami Heat (13-13).