P50T nga premyo sa One Central Eagles-PICPA chessfest
CEBU, Philippines — Miabot ngadto sa P50,000 nga ganting salapi ang iapud-apud sa mga mananaog sa One Central Eagles Region (TFOE-PE, CVR 16) ug Philippine Institute of Certified Public Accountants (PICPA)-Cebu Chapter 2-in-1 Rapid Chess Tournament nga gikatakda karong Dominggo, Disiembre 1, didto sa Cebu Chess Club nga anaa mahimutang sa 4th floor sa Robinsons Galleria Cebu.
Ang makampiyon sa open division ning siyam ka hugna nga torneyo nga giorganisa sa Mora, Sanchez, Meñoza and Associates inabagan sa PICPA-Cebu Chapter and The Philippine Eagles-Central Visayas Region XVI mobulsa og P10,000.
Ang mopahiluna sa ikaduha ngadto sa ikalimang dapit ning usa ka adlaw nga pinug-anay sa utok nga gipaluyohan sa Sprinx Consulting Group, Gordon-Mora- Diamante Law Firm ug Siu-Riñen-Latraw Attorneys-At-Law makadawat og P5,000, P3,000, P2,000 ug P1,000. Ang 6th-10th mokubra og P700, samtang ang 11th-15th adunay P500 matag usa.
Ang Top 5 sa 16 Under age group mokabi og P5,000, P3,000, P2,000, P1,000 ug P700. Ang maglangkob sa Top 10 dunay tag-P500 nga insentibo.
Ang rehistrasyon nagkantidad og P250 alang sa mga partisipante sa U16 ug P300 sa mga open players. Kadtong mga seniors, PWDs, ladies, ug nag-edad og 12 anyos paubos adunay P50 nga diskwento.
Alang sa dugang detalye, mahimong mokontak ni Kevin Yap (09458559800) sa Cebu School of Chess ug ni Atty. Rhenier Mora o Ma. Crizelda Cruz (09278368441) sa One Central Eagles Region.
- Latest
