Frasco Cup-Christmas Open kasado na
CEBU, Philippines — Andam na ang tanan alang sa Cong. Duke Frasco Cup-Christmas Open Tournament nga gikatakda karong Disiembre 7-11 didto sa Compostela Sports Complex sa Compostela, Cebu.
Si Ian Callet sa CSAS nga maoy nagorganisa sa torneyo nagkanayon nga 16 ka teams gikan sa nagkadaiyang dapit sa probinsiya sa Sugbo ang mopakita'g aksiyon ning lima ka adlaw nga kompetisyon nga nagtanyag og P375,000 nga kinatibuk-ang ganti sa mga mananaog.
Gawas sa host Compostela, mokumbati sab ang Liloan, Danao, Carmen, Catmon, Sogod, Borbon, San Francisco, Poro, Tudela, Pilar, Consolacion ug ang mga siyudad sa Mandaue, Cebu, Lapu-Lapu ug Talisay.
Ang tanang mga players kinahanglan nga rehistradong botante sa lungsod o dakbayan nga ilang girepresentahan.
Moduwa siya ubos sa knockout format hangtud sa finals.
Ang makampiyon mobulsa og P200,000 samtang ang mopahiluna sa ikaduha ngadto sa ikaupat nga dapit makadawat og P100,000, P50,000 ug P25,000.
- Latest
