Mga lineup sa 2024  CESAFI All-Star Game hitsas na

CEBU, Philippines — Ang Cebu Schools Athletic Foundation, Inc. pinaagi ni commissioner Felix "Boy" Tiukinhoy, Jr. mipahibawo sa mga lineup ingon man mga coaches alang sa 2024 CESAFI All-Star Game nga gikatakda karong Dominggo, Nobiembre 24, didto sa Cebu Coliseum.

Sa college division, si reigning MVP Kent Ivo Salarda, Jimpaul Amistoso, Ivan Clark Alsola, Raul Gentallan, ug Froilan Maglasang sa two-time defending champion University of the Visayas (UV) Green Lancers maoy mangu sa Team East diin ang mo-coach si Paul Alelu Flores sa Cebu Roosevelt Memorial Colleges (CRMC) Mustangs.

Ilang makauban sila si Elmer Echavez, Felvic Dorado ug AJ Calizar sa University of San Jose-Recoletos (USJ-R) Jaguars, Matt Flores, JZ Dizon, Kent Joshua Cabanlit ug AJ de los Reyes sa University of the Philippines (UP) Cebu Fighting Maroons ug Paulo Dalumpines, Keaton Taburnal ug Earl Laniton sa CRMC Mustangs.

Ilang banggaon ang puwersa sa West nga gilangkoban nilang Zareygel Rosano, Jasper Pacaña, Michael Diaz ug Jhiey Paraldo sa University of Cebu (UC) Webmasters, AJ Tolipas, Serge Gabines ug Kenneth Babalcon sa Benedicto College (BC) Cheetahs ug Neon Chavez, John Miguel Maglasang ug Peter John Peteros sa University of Southern Philippines Foundation (USPF) Panthers.

Mokumbati sab sa West ubos sa pagtimon ni coach BJ Murillo sa BC Cheetahs sila si Jerian Marc Abello, Edgar Sajol ug Matthew Paras of the Cebu Institute of Technology-University (CIT-U) Wildcats ug James Gica ug Bryle Puntual sa University of San Carlos (USC) Warriors.

Sa high school, ang Team West ni coach Axel Rabaya sa CIT-U Baby Wildcats magsandig nilang Alden Cainglet, Froilan Maglasang ug Lars Fjellvang sa Sacred Heart School-Ateneo de Cebu (SHS-AdC) Magis Eagles ug John Nathan de la Torre, Kenneth Cole ug Roderick Cambarijan sa UV Baby Lancers.

Mobanat sab sa West sila si Kieff Russel Suarez, Randel Jay Mendaros ug Ryko Batuigas sa CIT-U Baby Wildcats, Wade Adam Luche, Prince Juver Neil Mallorca ug Dan Mitchell Ferraren sa University of Cebu Lapu-Lapu and Mandaue (UCLM) , Brent Cuyno ug Karl Agravante sa CRMC Baby Mustangs ug  Angelo de la Cerna sa Don Bosco Technical College (DBTC)-Cebu Greywolves.

Makigharong sila si Team East nga pagabidahan nilang Jan Vince Oringo, J Lord Pepito ug Kyle Barrieta sa USJ-R Baby Jaguars, Jake Yong, Carlo Salgarino ug Stephen Pagalan sa UC Baby Webmasters ug Lybron James Lamo, Kenneth Robert Fuller ug Reyvene Arobo sa Cebu Eastern College (CEC) Dragons. Ang ubang mga bitoon sa East ubos sa paggiya ni coach Julius Cadavis sa USJ-R Baby Jaguars mao sila si Fritz Gonzalez, Champ Brigoli ug Ralph Seares sa USPF Baby Panthers, Xian Garcia ug Zack Judilla sa USC Baby Warriors ug Kyle Nalisa sa BC Baby Cheetahs. — ( Banat News )